حضرت آدم علیہ السلام

ایں دنیا دے سب توں پہلے انسان حضرت آدمؑ ہن جیہڑے کہ اللہ دے نبی تے رسول وی ہن. حضرت حوا کوں آپؑ دی پسلی وچوں پیدا کیتا ڳیا.قرآن مجید وچ ہے کہ آدم دی تخلیق مٹی نال تھئی (تے اساں بݨایا آدمی کھنکھناندی سنسنے گارے نال ) سورت 15 آیات 26۔ چنانچہ روایت ہے کہ جݙݨ خداوند قدوس عزوجل نے آپؑ کوں پیدا کرݨ دا ارادہ فرمایا تاں عزرائیل علیہ السلام کوں حکم ݙتا کہ زمین وچوں ہک مٹھی مٹی گھن آ۔ حکمِ خداوندی عزوجل دے مطابق عزرائیل علیہ السلام نے آسمان توں لیہہ کے زمین توں ہک مٹھی مٹی چاتی تاں پوری روئے زمین دی اتلی پرت چھلکے دے مانند لیہہ کے آپ دی مٹھی وچ آگئی۔ جس وچ سٹھ رنگاں تے مختلف کیفیتاں والی مٹیاں ہن یعنی سفید و سیاہ تے سرخ و زرد رنگاں والی تے نرم و سخت، شیریں و تلخ، نمکین و پھیکی وغیرہ کیفیتاں والے مٹیاں شامل ہن.

ابوالبشر

کچھ عرصے بعد اللہ تعالٰی نے انہاں دی کھٻی پسلی وچوں ہک عورت پیدا کیتی۔ حوا اس دا ناں رکھا۔ انہاں ݙوہاں کوں حکم تھیا کہ جنت دی جیہڑی نعمت چاہو، استعمال کرو مگر اس درخت دے قریب نہ ونجݨاں ورنہ ظالماں وچ شمار کیتے ویسو۔ لیکن شیطان دے بہکاوݨ تے انھاں نے شجر ممنوعہ دا پھل کھا گھدا۔ اس پاداش وچ آدم ؑ تے حواؑ کوں جنت توں زمین دی طرف بھیج ݙتا گیا۔ اللہ رب العزت قرآن وچ فرمیندے کہ: اساں انسان کوں ضعیف،کمزور تے جلد باز پیدا کیتا۔