گلگت بلتستان (انگریزی: Gilgit Baltistan بلتی زبان: རྒྱལ་སྐྱིད་ སྦལྟི་ཡུལ།) پاکستان دے زیر انتظام علاقہ ہے جیہڑا متنازعہ ریاست جموں و کشمیر دا او حصہ اے جیہڑا تھوڑا عرصہ اوندے ماتحت رہیا۔ 1840ء توں پہلے ایہ علاقہ مختلف ریاستوں وچ تقسیم ہئی۔ جنہاں وچ بلتستان تے گلگت شامل ہن۔ ایندے علاؤہ ہنزہ، نگر وی خود مختار علاقے ہن۔ انہاں علاقیاں وچ گلگت تے بلتستان کوں جنرل زور آور سنگھ نے فتح کر گھدا تے ریاست جموں و کشمیر وچ شامل کر ݙتا۔

Gilgit-Baltistan in Pakistan (de-facto + wo Glacier) (claims hatched)
K2 2006b

گلگت بلتستان دی آبادی 81 لکھ نفوس تے مشتمل ہے جبکہ ایندا کل رقبہ 72،971 مربع کلومیٹر ہے۔ بلتی، شینا ،بروشسکی، کھوار تے واخی اتھوں دے مشہور زباناں ہن۔ گلگت بلتستان دے ترئے ڈویژن ہن، بلتستان ، دیا میر تے گلگت۔ بلتستان ڈویژن سکردو، شگر، کھرمنگ تے گانچھے دے اضلاع تے مشتمل ہے۔ گلگت ڈویژن گلگت، غذر، ہنزہ تے نگر دے اضلاع تے مشتمل ہے۔ جب کہ دیا میر ڈویژن داریل، تانگیر، استور تے دیامر دے اضلاع تے مشتمل ہے۔ گلگت بلتستان دے شمال مغرب وچ افغانستان دی واخان دی پٹی ہے جیہڑی گلگت بلتستان کوں تاجکستان توں الگ کریندی ہے جب کہ شمال مشرق وچ چین دے مسلم اکثریتی صوبے سنکیانگ دا علاقہ ہے۔ جنوب مشرق وچ ہندوستان دے زیر انتظام مقبوضہ کشمیر، جنوب وچ پاکستان کے زیر انتظام آزاد کشمیر جبکہ مغرب وچ پاکستان کا صوبہ خیبر پختونخوا واقع ہن۔ ایں خطے وچ ست ہزار میٹر توں بلند 50 چوٹیاں واقع ہن۔ دنیا دے ترئے بلند ترین تے دشوار گزار پہاڑی سلسلے قراقرم، ہمالیہ تے ہندوکش اتھاں آکے ملدن۔ دنیا دی ݙوجھی بلند ترین چوٹی کے ٹو وی اینہی خطے وچ واقع ہے۔ جب کہ دنیا دے ترئے سب توں وݙے گلیشئیر وی اینہی خطے وچ واقع ہن۔

حوالے لکھو