کے ٹو

کے ٹو ، دنیا دی ݙوجھی بلند ترین چوٹی ہے۔ ایہ پہاڑی سلسلہ کوہ قراقرم، پاکستان اچ واقع ہے۔ ایندی بلندی 8611 میٹر/28251 فٹ ہے۔ اینکوں پہلی وار 31 جولائی 1954ء کوں ݙو اطالوی کوہ پیماؤں لیساڈلی تے کمپانونی نے سر کیتا۔ اینکوں ماؤنٹ گڈون آسٹن تے شاہگوری وی آہدن ۔

1856ء وچ ایں پہاڑ دا پہلی وار گڈون آسٹن نے سروے کیتا۔ تھامس ماؤنٹ گمری وی ایندے نال ہئی۔ اوں نے ایندا ناں کے ٹو رکھا کیونکہ سلسلہ کوہ قراقرم وچ ایہ چوٹی ݙوجھے نمبر تے ہئی۔گوڈون آسٹن دے ناں نال وی منسوب کیتا ویندے۔

کے ٹو تے چڑھݨ دی پہلی مہم 1902ء اچ تھئی جیہڑی ناکامی تے ختم تھئی۔ اوندے بعد 1909ء، 1934ء، 1938ء، 1939ء تے 1953ء اچ کوششاں وی ناکام تھیاں۔ 31 جولائی، 1954ء دی اطالوی مہم بالاخر کامیاب تھئی۔ لیساڈلی تے کمپانونی کے ٹو تے چڑھݨ اچ کامیاب تھئے۔ 23 سال بعد اگست 1977ء وچ ہک جاپانی کوہ پیما اچیرو یوشیزاوا ایندے تے چڑھݨ اچ کامیاب تھیا۔ اوندے نال اشرف امان پہلا پاکستانی ہئی جیہڑا ایندے تے چڑھا۔ 1978ء اچ ہک امریکی ٹیم ایندے تے چڑھنے وچ کامیاب تھئی۔ کے ٹو کوں ماؤنٹ ایورسٹ دے مقابلے اچ زیادہ مشکل تے خطرناک سمجھا ویندے۔ کے ٹو تے 246 افراد چڑھ چکن جبکہ ماؤنٹ ایورسٹ تے 2238۔

کتابیات

• شاہگوری (مستنصر حسین تارڑ)
• Pakistan Trekking Guide (شاء)

کے ٹو تے فلماں

• Vertical Limits
• K2