کندیاں

کندیاں شہر دریائے سندھ دے کنارے آباد ہے۔ کندیاں لفظ کندی قبیلہ دی وجہ توں پیا۔ کندی خاندان دے علاوہ باقی قبیلیاں دے لوگ وی اتھاں آباد ہن۔ کندیاں شہر توں شیر شاہ سوری دا گزر وی تھیا ہے۔ شہر وچ ترئے قبرستان ہن۔ اتھاں ریلوے جنکشن تے ریلوے شیڈ وی ہے۔ ایں شہر دے کولوں تھل کینال نہر وی گزردی پئی ہے۔ کندیاں دے جنگلات کافی سارے رقبے تے پھیلے ہوئے ہن۔ اے پرامن شہر ہے، اتھاں ہر علاقے دے لوگ امن دی تلاش وچ آئے تے ول اتھوں دے ہی رہائشی بݨ ڳئے۔ مشہور ہوٹلاں وچ المعصوم ہوٹل تے گرین لیگون ہوٹل شامل ہن۔

کندیاں تحصیل پپلاں، ضلع میانوالی، سرائیکی وسیب، پنجاب پاکستان دا ہک آباد مقام جیہڑا ہک یونین کونسل وی ہے تے کندیاں اربن تے کندیاں رورل تے مشتمل ہے. ہݨ کندیاں ہک میونسپل کمیٹی بݨ چکا ہے۔ 2016ء دے بلدیاتی انتخابات وچ اتھاں 13 حلقے بݨے ہن۔

کندیاں جنکشں

پاکستان ریلویز دی سرکاری ویب سائٹ دے مطابق کندیاں جنکشن ریلوے اسٹیشن دا کوڈ KDA ہے۔ ایں وقت وی ایہ اسٹیشن پاکستان ریلویز دے استعمال وچ ہے۔ کندیاں جنکشن ریلوے اسٹیشن کندیاں شہر، میانوالی وچ واقع ہے۔ کندیاں مین بازار توں اڳاں ریل بازار دے کول کندیاں ریلوے جنکشن ہے.