کراچی فسادات، مئی 2007ء

12 مئی 2007ء دے فسادات جیہڑے سیاسی جماعتاں دے کارکناں دے درمیان تھئے، وچ تقریباً 40 افراد مارے گئے۔

واقعات

11 مئی کوں ہی کراچی وچ حالات ایں طرح کشیدہ تھی گئے کہ اس رات مسلم لیگ نواز دا ہک کارکن شہید کر ݙتا گیا۔ انتظامیہ نے راتورات شہر دے تمام وݙے شاہراہواں تے ٹرک کھڑے کر کے انھاں کوں بند کر ݙتا۔ صبح تک سارا شہر مفلوج تھی چکا ہئی۔ اس کم دی نگرانی سندھ دے گورنر عشرت العباد نے کیتی (جنہاں دا تعلق متحدہ نال ہے)۔ پولیس کوں اسلحہ نہ ݙتا گیا تے انھاں کوں شرپسنداں کوں روکݨ توں منع کر ݙتا گیا۔ متحدہ دے اسلحہ توں لیس خاص غنڈہ ٹولے 12 مئی کوں ݙوجھے سیاسی جماعتاں دے انہاں جلوساں تے قافلیاں تے حملہ آور تھیندے ریہے، جیہڑے چیف جسٹس دے استقبال کیتے کڈھے ویندے پئے ہن۔ انہاں حملیاں وچ 38 دے قریب افراد ہلاک تھئے۔ متحدہ دا اپݨا جلسہ الگ جگہ تھیا، جتھاں اس دے جلاوطن رہنما الطاف حسین، جیہڑا لندن توں متحدہ دے معاملات چلیندے، نے لندن توں ٹیلیفون تے متحدہ دے کارکناں نال خطاب کیتا۔ متحدہ دے غنڈہ ٹولے عام کارکن نہ ہن، بلکہ متحدہ دی قیادت نے ایہ غنڈے اس کم دے ماہر کارکناں تے مشتمل ٹولیاں تشکیل ݙتیاں ہن۔ نجی ٹی وی آج دے دفتر تے متحدہ دے غنڈے چھ گھنٹے تک لگاتار فائرنگ کریندے ریہے۔ تاہم ول وی نجی ٹی وی نے دہشت گردی تے قتل و غارت کوں براہ راست سارے ملک وچ نشر کیتا۔

منصفِ اعظم افتخار چودھری کراچی ائیرپورٹ تے محصور تھی کے رہ گیا۔ آخر کار شام کوں اوہ اپݨے خطاب دا ارادہ ترک کر کے واپس اسلام آباد ول گیا۔

شام کوں اسلام آباد وچ جلسے توں خطاب کریندے ہوئے پرویز مشرف نے کراچی وچ "عوامی طاقت" دے مظاہرے تے خوشی دا اظہار کیتا۔ اس جلسہ وچ جیہڑا سرکاری خرچ تے لوگاں کوں زبردستی جمع کر کے رچایا گیا ہئی، اوں ݙینہہ جݙݨ کراچی خون وچ دھنویج گیا، ڈھول تے رقص کیتا گیا۔ وزیر اعظم شوکت عزیز نے اگلے روز فون تے الطاف حسین نال لمبی بات چیت کیتی۔

وکلا انجمن کے صدر منیر اے ملک نے ݙسیا کہ کراچی وچ امن و امان دی خراب صورت حال ݙیکھدے ہوئے چیف جسٹس سندھ ہائیکورٹ نے از خود نوٹس گھندے ہوئے پولیس دے آئی جی، سندھ تے فوج دے کراچی کور کمانڈر کوں طلب کیتا، لیکن کور کمانڈر نے عدالت وچ آوݨ دی زحمت تک گوارا نہ کیتی جبکہ آئی جی نے میݙے سامݨے ݙسیا کہ وہ بے وس ہن۔