چھݨکݨاں

چھنکݨاں (اردو: جھنجھنا) (انگریزی: Baby rattle) ہِک اِیہو جِیہاں کِھݙاوݨاں ہون٘دا ہِے جین٘دا مقصد بنیادی طور تے اَواز کرݨ اَتے نِکّے ٻالاں دی بھال چِھکین٘دے ہوئے اِنّھاں دی دل چسپی دا سبب بݨݨ۔ تاریخی اعتبار نال چھنکݨے دھات دے بݨے ہون٘دے ہَن۔ تاہم جدید دور وِچ اَتے خاص طور تے برصغیر وِچ مِلَّݨ آلے چھنکݨے پلاسٹک دے بݨے ہون٘دے ہِن جِنّھاں وِچ جس، سٹیل یا آہن دی ڳوڑیاں پاتے وین٘دے ہِن۔ اِیہ چھنکݨے ہَتھ نال کہِیں ہِک پاسے پِھراوݨ اُتے ہِک زور دار اَواز ݙین٘دے ہِن۔ اِیہ اَواز ٻالاں کُوں آپݨے کَن بھال کرݨ تے مجبور کرین٘دی ہِے۔ کئی وار گَھٹ عمر ٻال خود وی چھنکݨے کُوں ہلا تے اَواز کڈھین٘دے ہِن۔

سولہویں اَتے سترہویں صدی دے چھنکݨے

ماہرین نفسیات دے مطابق چھنکݨے نال گَھٹ عمر دے ٻالاں وِچ ہَتھ اَتے اَکھ کُوں ہِکّی واری با مقصد انداز وِچ استعمال کرݨ وِچ مدد مِلدی ہِے۔

چھنکݨے دا کہِیں وی دِل وِلاوݨ آلی شے کِیتے محاوراتی ورتاوا

• سیاست وِچ اَتے کݙان٘ہِیں کݙان٘ہِیں نجّی حیاتی وِچ چھنکݨے دا کہِیں وِی دِل دے بہلاوݨ آلی شے کِیتے محاوراتی ورتاوا وی اکثر ݙِٹّھا ڳیا ہِے۔ اِیہ اکثر کہِیں اہم معاملے یا فیصلے کُوں ٹالݨ کِیتے یا شدید بحث مباحثے تُوں بَچَّݨ کِیتے اکثر کِیتا وین٘دا رِیہا ہِے۔ مارچ ٢٠٢٠ء وِچ راجستھان دے باڑمیر ضلع وِچ ہِک حراستی موت دا معاملہ سیاسی اَتے صحافتی حلقیاں وِچ گرمایا اَتے بحث دا موضوع بݨا۔ اِیں معاملے اُتے ریاستی مقننہ وِچ ریاستی وزیر مقننہ شانتی دھاریوال نے ہِک پَرکھ جَتّھا بݨاوݨ دی ڳالھ کِیتی۔ جین٘دے اُتّے اُتّھوں دے حزبِ اختلاف دے اڳواݨ گلاب چند کٹاریا نے اِنّھاں دی نوک جھونک تِھی ڳئی جو اِیہ پورے معاملے دی لیپا پوتی دی کوشِت ہِے۔ اِیں معاملے کُوں انٹرنیٹ چھاپݨ آلی ہندی ویب سائیٹ پتریکا ڈاٹ کام نے اِین٘ویں ای پَرکھ اوکھاں اَتے اُنّھاں دی غیر نتیجہ کُن پَرکھ کُوں چھنکݨے نال تشبیح ݙِتّی۔

ٻِیا ݙیکھو

• کھݙاوݨاں