پرہائیں... ختنہ کرݨ آلا

،،،،،،، پِرھائیں ،،،،،،، ختنہ کرنڑ آلا،،،

بدھ گاناں بدھوا گاناں میڈا خیر اللہ دا بدھ گاناں، ساڈے وسیب دے کجھ علاقیں ءچ جڈاں بال کوں تُرھایا ویندے بلکل شادی آلا ماحول ھوندے باقدہ کاڈ لکھیے ویندن ،ساری بھاجی برادری کٹھی تھیندی ھے ،بال کوں گھوٹ بنڑایا ویندے گاناں بدھیا ویندے بال دا رتا جوڑا مامے سیوا کے گھن آندن ،ساری برادری جھمر مریندی ھے کھل بٹ ھوندی ھے کتھائیں محفل موسیقی دے رنگ ھوندن.

نکا بال وی خوش تے نہال ھوندے جڈاں تئیں نائ دی وٹھ ءچ نئیں آندا،ہک پاتری ءچ اٹا رکھ کے نال گُڑ یا مٹھائ ھوندی ھے ،گھوٹ بنرے دیاں لتاں پکڑ کے اکھیندے اُو ساوی چڑی ویندی پئ ھئ گھوٹ دی دید اُتوں تے نائ دا اُسترا ٹھاہ،* کجھ ایں قسم دی خان صاحب دی حکومت بنڑی ھئ ساری بھاجی برادری نہال ھئ جھمراں ہن تاڑیاں ہن مگر بدقسمتی نال ایں دفعہ وی گھوٹ یعنی نکڑا بال جئیندا ختنہ تھیونڑا ھا اُو عوام ھئ.

ساکوں اینجھے نائ ملئن جیرھے ہر ویلھے استرا چئ ودن ختنے کر کر عوام کوں ہیجڑا ان بنڑائے نے ،کتھائیں جلسے تے نچدی کھڑی ھے کتھائیں مہنگائ دیاں تعریفاں کھڑی کریندی ھے ،میکوں اج تئیں وڈے پرھائیں دی سمجھ نیں آئ جیرھا عوام دے فنڈ نال ڈیم ودا بنڑیندے ،بندہ پُچھے تساں جو قوم نال نواز شریف آلا تماشہ کھیڈے ھاؤ کیا وصول تھئے اگر تھئے تاں لاؤ ڈیم تیں ،اگر کجھ نیں ملیا تاں پہلے آپڑیں آپ کوں ٹھیک کرو،تیڈے عدالتیں ءچ لوگ نسل در نسل کیس بھگتیندے ودن ،اگر انصاف جلدی ملے ھا اج حالات کجھ بے ھوون ھا،کائینا صرف عوام دا ختنہ، شہباز شریف کوں پھانسی لگ ونجے ،ساکوں کیا فائدہ تھیسی ملک کوں کیا فائدہ تھیسی الٹا نقصان ھےکل کوں انھیں دی نسل وی آکھسی شھید جمہوریت، زندہ ھے میاں زندہ ھے،تساں کتناں پرھائیں مریسو ہر گھر ءچو پرھائیں نکلسی.

جیویں پچھلیں پرھائیں دا آھدے ھئیں، عوام کوں ساوی چیڑی ڈیکھال کے موجودہ پرھائیں جیرھے ہنڑ عوام دے ختنے کھڑے کریندن کم ہیجڑیں توں ٹپدے،میں ہک ادھے پاگل سنگھتی کنیں پچھا جیکوں میں استاد وی مینداں کہ ہیجڑا جڈاں بُڈھا تھی کہیں کم دا نہ ھوے اوکوں کیا آھدن ،اوں ،آکھیا عوام ،،،،،،،،،،،جمیل بلوچ،