تونسہ شریف کنوں تقریباً 25 کلومیٹر شمال مشرقی پاسو ہک جھوک آباد ہے جیندی تقریباً 200 سال دی عمر ہے. پوری تحصیل اینھ گالھ دی گواہی ڈیندی ہے کہ ایندی شام اور سویر دا نظارہ بہوں سوہنڑا ہوندے. اینھ وستی نے اجاں تک 4 شاعر پیدا کیتن، شفقت بزدار، ریاض فاروق، شاہد ندیم تے میر عثمان.

اینھ وستی دے لوگ زیادہ تر جٹ ہن اور رہئ وہئ کریندن.تے ہنڑ نوجوان نسل پڑھائی دو ووی بھرپور توجہ ڈتی پئ ہے. جیھرے لوگ سرائیکی خطے نال پیار کریندین او ہک دفع اتھاں ضرور چکر لاون. [١]

ہک شعر ایں مضمون دی مناسبت نال اے کہ:

جے کڈھائیں سچ دے سفر تیں نکلیں

تاں ساڈی وستی ضرور آویں ؎

وستی بزدار دی اہم شخصیت، شفقت بزدار لکھو

شفقت بزدار 14دسمبر 1956ء کوں وستی بزدار تونسہ شریف(پنجاب) , پاکستان وچ پیدا تھئے۔ انہاں دے والد حاجی غلام رسول بزدار فوج وچ ملازم ہن مگر خوددار اتنے ہن کہ ملازمت چھوڑ کے کاشتکاری کوں ترجیح ݙتی۔ شفقت بزدار دی والدہ صاحبہ دا تعلق قیصراݨی قبیلے نال ہئی۔ قلمی ناں شفقت بزدار تے اصلی ناں غلام یحیٰی خان اے.

شفقت بزدار نے ابتدائی تعلیم وستی بزدار وچ حاصل کیتی ول 1973ء کوں ہائی اسکول تونسہ شریف توں میٹرک کیتا۔ 1976ء وچ ایف۔ اے، 1978ء وچ بی۔ اے کیتا۔ تعلیم دے حصول دے بعد کوئٹہ وچ بلوچستان کانسٹیبلری وچ بطور کلرک سروس کیتی بعد ازاں پاکستان ریلوے جوائن کیتا۔ زندگی دے ایں سفر وچ بطور ٹیچر تونسہ وچ رپے تے ہݨ اسسٹنٹ پروفیسر( اردو) دے طور تے لیہ وچ مقیم ہن۔

شفقت بزدار دا پہلا شعری مجموعہ ’’کریہہ دا قرض‘‘1995ء وچ چھپا تاں سرائیکی ادبی تے عوامی حلقیاں وچ خاص پزیرائی ملی ـ۔ انہاں نے باقاعدہ کہیں استاد شاعر توں اصلاح نی گھدی لیکن اوہ اقبال سوکڑی کوں اپنا استاد تسلیم کریندن ۔ اس پہلے مجموعے وچ ڈاکٹر طاہر تونسوی، اقبال سوکڑی، پروفیسر شہباز نقوی مرحوم، پروفیسر مہر اختر وہاب تے رفعت عباس دے گراں قدر تاثرات شامل ہن جیہڑے مجموعے دے حسن کوں مزید نکھاردے ہن۔

انہاں نے تھل دامان سرائیکی ادبی سنگت دی بنیاد رکھی تے ہک رسالہ ”سرت لڑی” کڈھا۔

شعری مجموعے لکھو

شفقت بزدار دے ترے شعری مجموعے ہن.

  • کریہہ دا قرض
  • نکھیڑے
  • ریشم رستے

اے او ہن جیہڑے چھپ چکے ہن تے موصوف دی شاعرانہ عظمت دا واضح ثبوت ہن۔ انہاں دی شاعری وچ خیال دی جدت، جذبیاں دی سچائی، فکر دی گہرائی، انقلابیت، رجائیت دے رنگ نمایاں نظر آندے ہن۔[٢][٣]

حوالے لکھو

  1. https://en.m.wikipedia.org/wiki/Basti_Buzdar
  2. تذکرہ شعرائے تونسہ شریف حصہ اول۔ صفحہ 117،جسارت خیالی، رنگ ادب پبلیکیشنز کراچی
  3. Bio-bibliography.com - Authors