نتالیہ ووروزبیت
نتالیہ اناتولیوینا ووروزبیت (انگریزی: Natalya Anatoliyivna Vorozhbyt) (یوکرائنی: Наталія Анатоліївна Ворожбит) (ڄَمَّݨ دی تَرِیخ: ٤ اپریل ١٩٧٥ء) ہِک یوکرائنی ناٹک اَتے سکرین لِکّھت کار ہِن۔[١]
حیاتی
لکھوووروزبیت نے ٢٠٠٠ء وِچ میکسم گورکی لڑیچر انسٹی ٹیوٹ تُوں گریجویشن کِیتی۔ اِینیں بین الاقوامی لِکّھت کار پروگرام وِچ وی تعلیم حاصل کِیتی ہِے ۔ [٢]
اُوہ روسی اتے یوکرائنی ݙُون٘ہائیں ٻولیاں وِچ اپݨے سکرپٹ لکھین٘دی ہِے۔
جرمن ڈائریکٹر جارج زینو دے نال رَل تے اُوں تھیٹر آف دی ڈسپلیسڈ دا ایرا پاتا، جِتّھاں ڈونباس دے پناہ گزین اپݨی کہاݨیاں سݨا سڳدے ہَن، اَتے کلاس ایکٹ پراجیکٹ کُوں تیّار کِیتا۔ اِیں نے ڈونیٹسک دے نیڑے "سرڳئی پروکوویف ہوائے اݙّے" دے دفاع دے بارے وِچ فیچر فلم سائبرگس دا سکرین پلے لِکّھا، جِتّھاں یوکرائن دے فوجیاں نے وکھریپا پسندیاں دے خلاف ٢٤٢ ݙیہاڑیاں تئیں جنگ کِیتی ہئی۔ ووروبیت نے چار مہینیاں تئیں جنگی علاقے دا پن٘دھ کِیتا اَتے اِین٘دے وِچ شامل بندیاں دے ڳالھ مُہاڑ کِیتی۔ یوکرائن وِچ جنگ دی صورتِ حال این٘دے کَم دا زیادہ تر موضوع ہِے۔[٣]
اِیں نے ٢٠١٣ء دے یورومیڈین احتجاج وِچ حِصّہ گِھدّا ہئی۔ اِیں وِچالے اِیں نے نویں کَم کِیتے تحریک وی کَٹّھی کِیتی۔ اُوہ پہلاں رائل کورٹ تھیٹر اَتے رائل شیکسپیئر کمنی دے نال تعاون کر چُکّی ہِے۔
فروری ٢٠٢٢ء وِچ، ووروزبیت اپݨی تازہ ترین فِلم "ڈیمنز" اُتّے مییرا روڈ وِچ کَم کرین٘دی پئی ہئی اَتے اُوکُوں پورا تِھیوݨ وِچ صرف چار ݙیہاڑے رہن٘دے ہَن۔ اِیہ ہِک روسی اَتے یوکرائنی دے آپت وِچ تعلقات دے بارے وِچ ہِے، اَتے اِیں ڳالھ دی عکاسی کرین٘دی ہِے جو اُوہ اِنّھاں قوماں / جَتّھیاں دے وِچالے "اوازار" بین الاقوامی تعلقات اکھوین٘دی ہِے، اُوں ویلے اُوہ جیڑھے شہر وِچ ہئی اُوہ روسی حملے دے وِچالے بمباری دی زد وِچ آیا ہئی۔ ٢٥ فروری ٢٠٢٢ء کُوں ہِک اہم پناہ گاہ وِچ اُون٘دا انٹرویو کِیتا ڳیا، جین٘دے وِچ اُوں آکھیا جو "میݙے کِیتے اِتّھاں ہووݨ ٻہوں ضروری ہِے" جاں جو اِیہ تسلیم کرین٘دے ہوئے جو ڄیکر روس نے اقتدار سان٘بھ گِھدّا تاں اُوکُوں مُلک چھوڑنا پے سڳدا ہِے۔ اِنّھاں واقعیاں دی اُون٘دی تشریح اِیہ ہِے جو اِیہ تِرِیہ ورھیاں پہلاں شروع تِھیا جِہڑیلے یوکرائن ہِک اَزاد مُلخ دے طور تے اُسردا پِیا ہئی اَتے اُوں نے ڈونباس وِچ روسی اثر و رسوخ کُوں وَدّھݨ ݙِتّا۔ اِیں نے یوکرائن کِیتے بین الاقوامی بِیادری دی حمایت دی ارداس کِیتی۔
کَم کار
لکھو- دی خمینکو فیملی کرانیکلز، ٢٠٠٦ء۔ رائل کورٹ تھیٹر۔
- اناج دی ہَٹّھی۔ ٢٠٠٩ء
- خراب سڑکاں۔ ٢٠١٧ء[٤]
- میݙا مائیکولائیوکا ٢٠١٧ء
- بلڈ سسٹرس ٢٠١٩ء
- خراب سڑکاں ٢٠٢٠ء
حوالہ جات
لکھو- ↑ http://www.theguardian.com/stage/2014/feb/24/ukraine-society-kiev-protests-natalya-vorozhbit دی گارڈین انگریزی اخبار تُوں آرکائیو کِیتا ڳیا۔ مورخہ ٢٧ فروری ٢٠٢٢ء۔
- ↑ https://www.gorki.de/en/company/natalia-vorozhbyt انگریزی ٻولی تُوں آرکائیو کِیتا ڳیا۔ ٢٧ فروری ٢٠٢٢ء کُوں۔
- ↑ https://www.hollywoodreporter.com/movies/movie-features/thr-presents-talks-with-bad-roads-director-natalya-vorozhbyt-1235050194/ خراب روڈاں دے بارے وِچ انگریزی ہالی ووڈ دا مضمون
- ↑ https://cineuropa.org/en/interview/391995/ خراب سڑکاں دی ڈائریکٹر دا انٹرویو (انگریزی ٻولی وِچ)
ٻاہرلے جوڑ
لکھو- SEGAL TALKS: Natalia Vorozhbit, 12 May 2020