میر بہادر علی حسینی

میر بہادر علی حسینی فورٹ ولیم کالج کلکتہ دے میر منشی ہن۔ میر امن دہلوی انہی دی وساطت نال فورٹ ولیم کالج وچ بھرتی تھئے ہن۔ انہاں دے حالات زندگی دے بارے وچ کجھ زیادہ علم نی۔ انہاں دی پیدائش تے وفات دے متعلق کجھ نی اکھیج سڳدا۔ انہاں دے والد دا ناں سید عبد اللہ کاظم ݙسا ویندے۔ تذکرہ نگار لکھدن کہ حسینی شاعر وی ہن تے نثر نگار وی۔ اوہ کݙݨ فورٹ ولیم کالج وچ بھرتی تھئے تے کے تک منسلک رہیے ایندے بارے معلومات موجود نی۔ انھاں نے فورٹ ولیم کالج دے زمانہ وچ کئی کتاباں لکھے جیہڑے ہیٹھاں ہن۔ ”نثر بے نظیر “ وچ میر حسن دی مشہور زمانہ مثنوی ”سحر البیان“ دی کہانی کوں نثر وچ بیان کیتا ڳیا ہے۔ ترجمہ کریندے وقت حسینی نے اوہا فضاءپیش کیتی ہے جیہڑی سحرالبیان دا خاصہ ہے۔ ”اخلاق ہندی“ حسینی نے جان گلکرسٹ دی فرمائش تے ”مفرح القلوب “ دا سلیس اردو وچ ترجمہ کیتے تے ایندا ناں اخلاق ہندی رکھا ہے۔ ”تاریخ آسام“ وی ترجمہ ہے۔ ایہ شہاب الدین طالش ابن ولی محمد دی فارسی تاریخ آسام دا اردو ترجمہ ہے۔ ” رسالہ گلکرسٹ“ دراصل گلکرسٹ دی کتاب ”ہندوستانی زبان کے قواعد “ دا خلاصہ ہے۔