منیر سرحدی

منیر سرحدی (اردو: منیر سرحدی) (انگریزی: Munir Sarhadi) (ڄَمَّݨ دی تَرِیخ: ١٩٣١ء – ٢٣ مئی ١٩٨٠ء) پاکستانی لوک ڳائیک ہَن۔ بطورِ موسیقار، منیر سرحدی نے اَݨ ڳِݨت مُلخاں وِچ پاکستان دی نمائندگی کِیتی۔ منیر سرحدی نے ١٩٧٨ء وِچ حکومتِ پاکستان تُوں تمغائے حسنِ کارکردگی گِھدّا۔

ابتدائی حیاتی اَتے کَم کار

منیر سرحدی ١٩٣١ء وِچ خیبر پختونخوا دے پشاور شہر وِچ ڄَمّے ہَن۔ اُوہ بنیادی طور تے سریندا وڄین٘دے ہَن اِین٘دے باوجود اِنّھاں دے اَمّاں اَبّا نے اِیکُوں تاراں آلے ساز وڄاوݨ دی آس ظاہر کِیتی ہئی۔ اِنّھاں دے پِیؤ نے اِنّھاں کُوں سریندا تُوں اَنج تار آلے ساز کُوں وڄاوݨ دی اجازت ݙیوݨ دی کوشِت وِچ روائتی موسیقی دا آلہ سِکھاوݨ تُوں انکار کر ݙِتّا۔

ایوارڈ اَتے پِچھاݨ

• ١٩٧٨ء وِچ حکومتِ پاکستان دی طرفُوں اِنّھاں کُوں لوک موسیقی اَتے لوک ڳائیکی وِچ اِنّھاں دی خدمتاں دا ماݨ رکھین٘دے ہوئے تمغائے حسنِ کارکردگی پیش کِیتا ڳیا۔

وفات

منیر سرہدی سریندا موسیقی دے آلے دا شون٘ق رکھین٘دے ہَن۔ اُوہ اپݨے پیشے تُوں وَدھ کما نئیں سڳّے۔ اِنّھاں دی آمدݨ دا ہِکّو ذریعہ نشریاتی نیٹ ورک ریڈیو پاکستان وِچ اِنّھاں دا کَم کار ہئی۔ منیر سرہدی کُوں جیڑھی تنخواہ ݙِتّی وین٘دی ہئی، اُوہ اِنّھاں دے دوائیں دے لوڑاں کُوں پورا کرݨ کِیتے وی ٻہوں گَھٹ ہئی اَتے ٢٣ مئی ١٩٨٠ء کُوں تقریباً ٤٩ (اُن٘ڄاہ) ورھیاں دی حیاتی وِچ اُوہ غربت وِچ پاکستان دے خیبر پختونخوا دے شہر پشاور وِچ فوت تِھی ڳئے۔