لیلیٰ شہزادہ (انگریزی: Laila Shahzada) (ڄَمَّݨ دا سال: ١٩٢٦ء – فوت تِھیوݨ دی تَرِیخ: ٢٠ جولائی ١٩٩٤ء) پاکستان نال تعلّق رکھݨ آلی بین الاقوامی مہان٘در آلی مصورہ ہَن۔

حیاتی دا احوال لکھو

لیلیٰ شہزادہ ١٩٢٦ء کُوں لٹل ہیمپٹن، برطانیہ وِچ ڄَمّے ہَن۔[١][٢] اُنّھاں نے ڈرائنگ سوسائٹی لندن تُوں مصوری دی تعلیم گِھدّی۔ ١٩٥٨ء تُوں ١٩٦٠ء دے وِچالے اِنّھاں کُوں مہان٘درے مصور احمد سعید ناگی تُوں مصوری دی سِکھلائی گِھنَّݨ دا موقع مِلیا۔ ١٩٦٠ء وِچ آرٹس کونسل کراچی وِچ اِنّھاں دی مصوری دی پہلی کَلّھی (سولو) نمائش تھئی۔ اِنّھاں دی مصوری دا خاص مضوع بدھ ازم اَتے وادیٔ سندھ دی تہذیب ہئی۔ اِنّھاں دی مصوری دی نمائشاں پاکستان دے اَنجو انج شہراں، لندن، ٹوکیو، پیرس، مونٹی کارلو اَتے نیو یارک وِچ تھئیاں۔[٢]

اعزازات لکھو

حکومتِ پاکستان نے لیلیٰ شہزادہ دی خدمتاں کُوں چِتوین٘دے ہوئے اُنّھاں کُوں ١٩٨٤ء وِچ تمغائے امتیاز اَتے ١٩٩٥ء کُوں صدارتی اعزاز تمغائے حسنِ کارکردگی دا اعزاز عطا کِیتا۔[١] پاکستان پوسٹ نے ١٤ اگست ٢٠٠٦ء کُوں پاکستان دے عظیم مصوراں اُتے مبنی ٤٠ روپے مالیت دی ڈاک ٹِکٹ شیٹ دا اجراء کِیتا، اُنّھاں وِچ لیلیٰ شہزادہ وی شامل ہَن۔[٣]

وفات لکھو

لیلیٰ شہزادہ ٢٠ جولائی، ١٩٩٤ء کُوں اسلام آباد، پاکستان وِچ فوت تِھی ڳئی۔[٢][١]

حوالہ جات لکھو

  1. ١.٠ ١.١ ١.٢ "لیلیٰ شہزادہ، وزیٹرز ہیون ڈاٹ کام". Archived from the original on 2016-08-09. Retrieved 2022-03-09.
  2. ٢.٠ ٢.١ ٢.٢ ص 745، پاکستان کرونیکل، عقیل عباس جعفری، ورثہ / فضلی سنز، کراچی، 2010ء
  3. 2006 اسٹامپس، پاکستان پوسٹ آفیشل