لُوت ٻُوٹی
سئیں ابن کلیم [١] احسن نظامی شاعر ادیب و صحافی دی ہِک سرائیکی لوک نظم:
ساݙے ملک ءِچ اَڄ کل دے
لوٹے سیاستداناں دِی
مطلب پَرست قیادت تھئی
تخریب آلی تاں سیاست تھئی
امن امان دِی دیوی اِتھ
خبر کاری دِی عَلامت تھَئی
بدعملیاں دِے دَفتر دی
وَدھ توں وَدھ ضخامت تھئی
مہوطناں کُوں ندامت تھئی
نہ بے شرمی کُوں مَلامت تھئی
لالچ اَتے مفَادَاں دا
اَنت بھَلا کوئی ہو سِی؟
اَتے قبر دِی فکر وِی پوسی؟
کمینہ تھِی ڳیا رِشوت خورے
غاصب کُوں وِی شرم دِی تھوڑِے
لِیڈر' مُلاّ اَڄ منہ زورِے
کوݨ کرے ہُݨ فِکر تےِ غورے
مشیر، وَزِیراں دے اِے دَورے
تھی ڳئے خرچے لمبے چوڑے
ٹیکس تاں قوم بھریندی اِے
حکومت چَسّاں چیندی اِے
کجھ لیڈراں کالا دھندا کِیتا
بے حسِی نے اندھا کِیتا
ملک و قوم کوُں لُٹ کے یارو
جگ وِچ خود کُوں گندا کِیتا
وݙیرے سئیں جگیراں آلے
چمچے کڑچھے پِیراں آلے
وَت غَول دے غول وزیراں آلے
اِیں وطن دی ساری سَاوِل کُوں
اِینویں کھادِھی ویندے ہِن
لُوت بُوٹی سبزے کُوں
ڄِینویں چَٹ کریندی ہِے!
ٻِیا ݙیکھو
لکھوحوالہ جات
لکھو- ↑ از: کتاب: "ہٻڑاس" (سرائیکی وِچ موضوعاتی تے مزاحمتی نظماں)۔ شاعر: ابن کلیم احسن نظامی۔ چَھپَّݨ دا سال: جنوری ١٩٩٦ء۔ نشر کرݨ آلے: گُلِ رعنا ادب سوسائٹی ملتان۔