لتا منگیشکر
لتا منگیشکر (اردو:ڄَمَّݨِ دی تَرِیخ: ٢٨ ستمبر ١٩٢٩ء - فوت تِھیوݨ دی تَرِیخ: ٦ فروری ٢٠٢٢ء) بھارت دی مہان٘دری ڳائیکہ ہَن۔ اِنّھاں دا ناں ٢٥ ہزار توں ودھ ڳاݨے دُنیا دی انجو انج ٻولیاں وِچ ڳاوݨ دے بعد گینز بُک آف ورلڈ ریکارڈ وِچ پاتا ڳیا۔ ١٩٢٩ء وِچ ڄَمَّݨ آلی لتا دی اَواز نال اِنّھاں دی عُمر دا ذری وی اندازہ نئیں لایا ون٘ڄ سڳین٘دا۔ مندراں وِچ وڄدیاں ٹَلّیاں جِیہاں سحر گِھدّے لتا دی اَواز نے کئی نسلاں کُوں اپݨی اَواز نال متاؑثر کِیتا ہِے۔
| لتا منگیشکر लता मंगेशकर | |
 | |
| ڄم پل: | 28 ستمبر 1929ء، اندور |
| وفات: | 6 فروری 2022ء، ممبئی، 93 سال عمر |
| اعزازات : | بھارت رتن 2001ء، پدم وبھوشن 1999ء، مہاراشٹر بھوشن اعزاز 1997ء، قومی فلم اعزاز برائے بہترین پس پردہ گلوکارہ 1990ء، دادا صاحب پھالکے ایوارڈ 1989ء |
اڄ وی دِل تئیں لَہہ ون٘ڄݨ آلی اِنّھاں دی اَواز دی کھنک اُوہو ہِے جیڑھی اُنویہہ سو سینتالِہیہ وِچ اِنّھاں دی پہلی ہندی فلم "آپ کی سیوا" وِچ ہئی۔ لتا نے اُنوِیہہ سو ٻِتالہیہ وِچ اپݨے اَبا "دینا ناتھ منگیشکر" دے مرݨ دے بعد با قاعدہ ڳائیکی دا اَغاز کِیتا ہئی۔ دینا ناتھ دی دِھیاں وِچ ناں صرف لتا نے سُراں دی دُنیاں وِچ مہان٘در حاصل کِیتی جاں جو اِنّھاں دی بھیݨ آشا بھوسلے نے وی ڳائیکی وِچ اہم مقام حاصل کِیتا اَتے ہِک ویلا اُوہ وی آیا جݙݨ ݙون٘ہائیں بھیݨاں دی اَواز نے بھارتی فلم انڈسٹری اُتے قبضہ کر گِھدّا۔ لتا دا آکھݨاں ہِے جو اِنّھاں دی فنی حیاتی بھرپور رہی ہِے۔
بچپن
لکھولتا منگیشکر28 ستمبر 1929ء کوں اندور بھارت وِچ ڄَمّی ہئی۔ انّھاں دے اَبّا دِینا ناتھ منگیشکر وی ڳائیک اتے اداکار ہَن۔ تہوں اُوہ شروع توں ای ڳائیکی کَن مائل تِھی ڳئی۔ موسیقار غلام حیدر نے اِنّھاں دا حون٘صلہ ودھارا اِین٘دے بعد اُوہ کامیابی اُچائیاں کَن ٹُر پئی اَتے ہالی تئیں نئیں رُکّی۔
ڳائیکی
لکھوسانچہ:اصل مضمونتفصیلی مضمون کِیتے لتا منگیشکر دے نغمیاں دی تن٘دِیر ݙیکھو۔
لتا منگیشکر پنڄاہ ہزار توں وَدھ ڳاݨے ڳاء چُکی ہِن اُوہ ١٩٧٤ء توں ١٩٩١ء تئیں دُنیا دے ریکارڈاں دی پوتھی وِچ ریکارڈ بݨاوݨ آلیاں دے طور تے رَل ڳئی۔ پوتھی دے مطابق اُوہ دُنیا وِچ سبھ توں وَدھ ڳاݨے ریکارڈ کراوݨ آلی ڳائیکہ ہِن۔
اِنعامات
لکھولتا کوں اَݨ ڳِݨت ایوارڈ مِلے ہِن۔ اِنّھاں دا اَپݨاں آکھݨاں ہِے جو اِنّھاں دا سبھ توں وݙا ایوارڈ لوکاں دی پرِیت ہِے جاں جو اِنّھاں دے کول بھارت دا سبھ توں وݙّا سویلین اعزاز بھارت رتنا وی ہِے۔ اُوہ بھارت دی ݙُوجھی ڳائیکہ ہِن جِیکُوں اِیہ ایوارڈ ݙِتّا ڳیا ہِے۔
بِیماری اَتے وفات
لکھو٨ جنوری ٢٠٢٢ء کوں کورونا دے پاروں لتا منگیشکر کوں ممبئی دے بریچ کینڈی ہسپتال وِچ داخل کرایا ڳیا ہئی۔[١]
٩٢ ورھیاں دی عمر وِچ نوال کرونا وائرس دے پاروں اُوہ ٦ فروری ٢٠٢٢ء کوں ممبئی وِچ فوت تِھی ڳئی۔ [٢][٣]
ٻاہرلے جوڑ
لکھو- جب بلبلِ ہندوستان کندن لال سہگل سے شادی کی خواہاں تھیںآرکائیو شدہ [Date missing] بذریعہ www1.voanews.com [Error: unknown archive URL]
حوالہ جات
لکھو- ↑ "Lata Mangeshkar is stable now, says Asha Bhosle". دی انڈین ایکسپریس (in سرائیکی ► skr). 6 فروری 2022. Retrieved 6 فروری 2022.
- ↑ "Lata Mangeshkar: India singing legend dies at 92". BBC News (in British English). 6 February 2022. Retrieved 6 فروری 2022.
- ↑ Banerjee, Shoumojit (6 فروری 2022). "'Nightingale' Lata Mangeshkar passes away at 92". دی ہندو (in Indian English). PTI. ISSN 0971-751X. Retrieved 6 فروری 2022.