لبنان وِچ زنانیاں

لبنان وِچ زنانیاں (اردو: لبنان میں خواتین) (انگریزی: Women in Lebanon) عرب دُنیا دے مقابلے وِچ ٻہوں معاملیاں وِچ انجو اَنج ترقی یافتہ موقف رکھین٘دیاں ہِن۔ مُلخ وِچ اُوہ اَزادانہ طور تے کپڑے پاء سڳدیاں ہِن اَتے اپݨے مُلخ وِچ بے روک ٹوک گُھم پِھر سڳدیاں ہِن۔ اِتّھوں دیاں زنانیاں تقریبا مرد دے برابر سارے شہری اَتے سیاسی حقوق رکھین٘دیاں ہِن۔

لبنان دے زفتا شہر وِچ زنانیاں دا ہِک جتّھا۔

مذہبی قنُون

کئی سرکاری طور تے تسلیم تھئے ہوئے مذاہب دی موجودگی دی پارُوں توں لبنان دے عائلی اُمور گَھٹ توں گھٹ پندرھاں عائلی ضابطیاں دے تابع ہِن۔ لبنان دیاں زنانیاں دا سیاسی تحفظ اِنّھاں دے مذہب دے تابع ہِے۔ مسلمان ٹَٻراں وِچ شادی دی عُمر سنِ بلوغ کوں پُڄَّݨ دے نال ای مَنّی ون٘ڄ سڳین٘دی ہِن اَتے ذالیں دی وَدھ ڳِنتری قنُونی طور تے جائز ہِے۔ بین العقیدہ شادی وی ممکن ہِے، مثال دے طور تے مسلمان زنانیاں مسیحی یا یہودی مرداں دے نال مذہب دی تبدیلی یا اَل دے مرد دے مذہب چُݨݨ دی شرط دے نال شادی کر سڳدیاں ہِن۔ اِین٘دے توں انج ذالیں ٻاہرلے مُلخ سول شادی کر سڳدیاں ہِن، جین٘دا کوئی وی لبنانی سفارتخانے وِچ اندراج مُمکن تِھی سڳدا ہِے۔ اِیہ ہِک مہان٘درا پسندیدہ اختیار کردہ موقف ہِے، جین٘دے وِچ قبرص ہِک مَن بھان٘دہ مُلخ ثابت تِھیا ہِے۔ تاہم کہِیں لبنانی زنانی کوں کہِیں غیر مُلخی مرد توں ڄَمَّݨ آلے ٻال کوں لبنانی شہریت نئیں ݙِتّی وین٘دی۔

٢٠١٩ء دا زنانیاں دا اختیاراں کِیتے احتجاج

لبنان بھر وِچ ٢٠١٩ء دے کئی ہفتیاں تئیں حکومت مخالف مظاہرے جاری تِھی چُکّے ہَن، اَتے عوامی مارچ، بحث مباحثے، دھرنیاں اَتے سڑکاں بند کرݨ دے عمل وِچ زنانیاں بݨیادی کردار ادا کر چُکیاں ہِن۔ یعنی ہِک اِیہو جِیہاں مُلخ جین٘دے وِچ زنانیاں دی نمائندگی ٻہوں گَھٹ ہِے، اُوہ سڑکاں اُتے نِکل تے اَپݨی اَواز اُچّی کر چُکیاں ہِن۔ احتجاج وِچ لوکاں دے مطابق "زنانیاں اِیں انقلاب دا اہم حِصّہ ہِن۔ اساں اڳلی صفاں وِچ ہِسے۔ اَساں ہِک ٻئے کوں اختیار آلا بݨین٘دے پئے ہِسے اَتے اَساں امن برقرار رکھیا ہویا ہِے۔

سیاسی حصے داری

لبنان وِچ سیاسی محاذ اُتے زنانیاں ٻہوں فعال ہِن۔ جنوری ٢٠٢٠ء وِچ وزیر اعظم حسان دیاب دی اڳواݨی وِچ ٢٠ رکنی کابینہ وِچ ٦ زنانیاں کوں وِی رَلایا ڳیا ہِے۔

ٻِیا ݙیکھو

• لبنان
• زنانیاں کوں اختیار آلا بݨاوݨ
• زنانیاں دے حقوق