فیض محمد بلوچ

فیض محمد دگرزہی (اردو: فیض محمد بلوچ) (انگریزی: Faiz Mohammad Baloch) (ڄَمَّݨ دی تَرِیخ: ١٩٠١ء – فوت تِھیوݨ دی تَرِیخ: ٦ مئی ١٩٨٢ء) جِنّھاں کُوں پیلین وی آکھیا وین٘دا ہِے، بلوچی لوک موسیقار اَتے لوک ڳائیک ہَن۔

فیض محمد نے زیادہ تر بلوچ لوکاں نے بلوچی موسیقی وِچ اِنّھاں دی شراکت دی ٻہوں تعریف کِیتی ہِے۔ اِنّھاں نے پاکستان دے کراچی ہجرت دے بعد پورے پاکستان وِچ بلوچی لوک ڳاݨیاں دی روائتی موسیقی دے انداز دی سُن٘ڄاݨ کروائی۔

ابتدائی حیاتی

فیض محمد بلوچ ١٩٠١ء وِچ ایرانی بلوچی ٹَٻَّر وِچ ڄَمّے ہَن۔ پہلاں اِنّھاں دے پِیؤ نے اِنّھاں کوں بلوچ موسیقی دے آلیاں نال سُنڄاݨ کروائی اَتے اِنّھاں کُوں ڳاوݨ دا درس ݙِتّا۔ فیض محمد بلوچ ٤٦ ورھیاں دی عُمر وِچ پاکستان وِچ آپݨے ٹَٻَّر نال کوچ کر تے آ ڳئے۔

موسیقی دا کَم کار

فیض محمد بلوچ نے اپݨی مادری ٻولی بلوچی وِچ نظماں اَتے ڳاݨیاں دی تالیف کِیتی۔ اِنّھاں دی تخلیقاں وِچ سین٘کڑے ڳاݨے شامل ہِن۔ اِنّھاں نے جنوبی کوریا، روس، انڈونیشیا، فرانس، ریاستہائے متحدہ، الجزیرہ، لبنان اَتے اسپین دا دورہ کِیتا اَتے نغمے پیش کِیتے۔

اِنّھاں دے دُھم پاوݨ آلے ڳاݨے اِیہ ہِن:

• لیلیٰ او لیلیٰ
• مسقط مہرک
• یہ پاکستان ہمارا (اردو ٻولی وِچ ڳاݨا)

ایوارڈ اَتے پِچھاݨ

• صدرِ پاکستان نے ١٩٧٩ء وِچ تمغائے حسنِ کارکردگی ݙِتّا۔

وفات اَتے میراث

فیض محمد بلوچ ١٩٨٢ء وِچ بلوچستان دے شہر کوئٹہ وِچ فوت تھئے، اُوں ویلے اُنّھاں دی عُمر ٨٠ ورھیاں تُوں وَدھ ہئی۔