فطرت

فطرت دا لفظ خاصہ وسیع مفہوم رکھدے تے ایہ تقریباً ہر اوں شے کیتے استعمال کیتا ویندے کہ جیہڑی انسان کوں ایں دنیا اچ بݨی بݨائی مل ڳئی ہووے، خالقِ کائنات دی جانب توں۔ ایں کوں انگریزی اچ Nature آکھا ویندے تے اردو تے سرائیکی اچ ایندے کیتے دیگر الفاظ وی اینہی قدر ہم وزنی نال استعمال کیتے ویندن کہ جیں قدر ایہ لفظ فطرت یا فطری۔ مثال دے طور تے اینہی مفہوم اچ قدرت دا لفظ وی استعمال تھیندے، گو ایہ الڳ ڳالھ ہے کہ قدرت دا لفظ اگر غور کیتا ونڄے تاں اللہ تعالٰی دی طاقت دے زیادہ قریب ہے مگر عموماً ایں کوں فطرت دے معناں اچ وی استعمال کیتا ویندے۔ بعض اوقات قدرت دا لفظ کہیں کم کوں کرݨ دی صلاحیت کیتے وی استعمال کیتا ویندے جیندے کیتے انگریزی اچ ability یا power وغیرہ دے الفاظ آندن۔ اونہی طرح ہک ٻیا لفظ طبیعی وی فطرت دے مفہوم اچ آندے تے ایندے نال بݨا ہویا ہک لفظ مشہور شعبۂ علم کیتے وی استعمال کیتا ویندے یعنی طبیعیات، عام طور تے طبیعی دا لفظ طبیعت توں الڳ مفہوم اچ آندے مگر اصل اچ ݙوہیں ہک ہی ہن یعنی فطرت، جینکوں آکھا ونڄے کہ طبیعی موت، تاں اوندے توں مراد اوہ موت ہوندی ہے جیہڑی کہیں حادثے یا بیماری دی وجہ توں نہ تھئی ہووے بلکہ فطری طور تے واقع تھئی ہووے۔ انہاں ہی تمام وجوہات دی بنا تے اس سرائیکی وکیپیڈیا تے Nature دے سائنسی مضامین اچ استعمال کیتے فطرت دا لفظ منتخب کیتا ڳیا ہے۔

Hopetoun falls