فرحت اشتیاق

فرحت اشتیاق (اردو: فرحت اشتیاق) (انگریزی: Farhat Ishtiaq) (ڄَمَّݨ دی تَرِیخ: ٢٣ جون ١٩٨٠ء) ہِک پاکستانی مصنف زنانی، سکرین رائٹر اَتے ناول نگار ہِن۔

ابتدائی حیاتی اَتے تعلیم

٢٣ جون ١٩٨٠ء کُوں کراچی پاکستان وِچ ڄَمَّݨ آلی اِیں مصنف زنانی نے ابتدائی تعلیم جاپان اَتے کراچی وِچ حاصل کِیتی۔ نِکّے لاء دا ہِک حِصّہ اٹلی وِچ وی لنگھایا۔ اعلیٰ تعلیم کراچی دی ہِک یونیورسٹی تُوں حاصل کِیتی اَتے سول انجینئرنگ وِچ گریجویشن اَتے جرنلزم وِچ ماسٹرز کِیتا۔

کَم کار آلی حیاتی

فرحت اشتیاق نے سول انجینئرنگ وِچ ماسٹر ڈگری گِھن رکّھی ہِے۔ ٢٠٠٥ء وِچ اِنّھاں نے انجنیئرنگ چھوڑ تے اپݨی بھال لِکّھݨ کَن کر چھوڑی۔ زنانیاں دے رسالیاں وِچ لِکّھݨ دا اَغاز کِیتا اَتے ٻہوں جَلتی صفِ اوّل دے مصنف زنانیاں وِچ اِنّھاں کُوں ڳِݨیا ون٘ڄݨ لڳیا۔ اِین٘دے بعد ٹیلی ویژن کِیتے اردو ڈراما سیریل "ہمسفر" لِکّھیا جیڑھا ہم ٹی وی اُتے جاری کِیتا ڳیا اَتے پاکستانی دورِ حاضر دے ٹیلی ویژن دی تاریخ کِیتے ہِک سنگِ میل ثابت تِھیا۔ فرحت اشتیاق اَڄ کل اَنجو انج کتاباں دے نال نال ٹی وی کِیتے سکرپٹس اُتے کَم کرین٘دی پئی ہِن۔ اِیں ویلے فرحت دا ڈراما "یہ دِل میرا" ہم ٹی وی اُتے ٹاپ ریٹنگ تے ہِے۔

کتاباں (اردو)

• بن روئے آنسو
• وہ جو قرض رکھتے تھے جان پر
• ہم سفر
• متاع جان ہے تو
• میرے ہمدم میرے دوست
• سفر کی شام
• جو بچے ہیں سنگ سمیٹ لو

• دیارِدل
• وہ یقین کا نیا سفر
• دل سے نکلے ہیں جو لفظ
• کچھ پاگل پاگل سے
• تم ہنستی اچھی لگتی ہو
• جنوں تھا کہ جستجو
• خوشبو بادل چاند ہوا
• ابھی کچھ دن لگیں گے
• موسم گل
• اپنے اپنے دام میں
• وہ اک ایسا شجر ہو

ڈرامے (اُردو)

• ہم سفر
• دیارِدل (2015)
• متاعِ جان ہے تو
• یہ دل میرا
• رہائی
• میرے ہم دم میرے دوست
• اڈاری
• بن روئے
• یقین کا سفر
• یہ دل میرا
• جو بچے ہیں سنگ سمیٹ لو

فلماں (اُردو)

• بن روئے
• پرواز ہے جنون (2018)

ٻولی وٹار

فرحت اشتیاق نے اپݨے مہان٘درے ناول "وہ یقین کا سفر" دا ہندی ترجمہ ایمازون اُتے جاری کِیتا۔ اُنّھاں نے اپݨے افسانے "ریت سے بت نہ بنا" کوں رومن اردو وِچ وی جاری کِیتا۔

ایوارڈ اَتے اعزازات

• ہم سفر(2013) ڈرامے کِیتے ہم اعزازی ایوارڈ برائے بہترین لکھاری (اعلی سیریل)
• 13ویں لکس اسٹائل ایوارڈ (2014) وِچ رہائی کِیتے بہترین لکھاری دی نامزدگی
• 15ویں لکس اسٹائل ایوارڈ (2016) وِچ دیار دل کِیتے بہترین لکھاری دی نامزدگی
• چوتھے ہم ایوارڈ وِچ دیار دل کِیتے بہترین لکھاری ایوارڈ
• 1ویں لکس اسٹائل ایوارڈ وِچ اُݙاری کِیتے بہترین لکھاری ایوارڈ
• پنڄویں ہم ایوارڈ وِچ اڈاری کِیتے بہترین لکھاری ایوارڈ