عمان وِچ زنانیاں

عمان وِچ زنانیاں (اردو: عمان میں خواتین) (انگریزی: Women in Oman) کوں تاریخی طور تے روز ݙیہاڑے دی حیاتی دے معاملیاں توں ٻاہر رکّھیا ڳیا ہِے۔ جاں جو وِیہوِیں صدی دے اَغاز وِچ عمانیاں دے وَدّھݨ اَتے سَتّر دے ݙہاکے دے اَغاز وِچ اِنّھاں دے وَل آوݨ دے نال، عمانیاں توں وَدھ عصری اَبادی جیڑھی ٻاہرلے مُلخ اپݨے ویلے وِچ برطانوی نو آبادیاتی اقدار نال متاثر ہئی اَتے ہولے ہولے صنفی وکھریپے دی ٻہوں ساری روائتاں کوں چیلنج کرین٘دی ہئی۔ زنانیاں ہُم انجو انج میداناں وِچ سرگرمِ عمل ہِن۔

عمان دی زنانی

ہِک عمانی ٹَٻَّر دی تصویری عکاسی

تعلیم دے پِڑ وِچ

١٩٧٠ء وِچ، سلطان قابوس نے مرداں اَتے زنانیاں / تِریمتیں ݙُون٘ہائیں کِیتے ہِک جامع تعلیمی پالیسی دی سُن٘ڄاݨ کرائی، جین٘دے نال سکولاں وِچ چھوہِرِیں دی حاضری ١٩٧٠ء وِچ ٠ فیصد توں وَدھ تے ٢٠٠٧ء وِچ ٤٩ فیصد تِھی ڳئی۔ اڳلے ورھیاں وِچ، ٦ لَکھ طلباء، مرد اَتے زنانیاں ݙُون٘ہائیں، نے ١ ہزار توں وَدھ اداریاں وِچ داخلہ گِھدّا۔ عام تعلیم دے اِیں پہلے مرحلے کوں اُسارݨ دے بعد، وزارتِ تعلیم نے تعلیمی معیار کوں چنڳا کرݨ کِیتے اقدامات کوں نافذ کِیتا۔ ١٩٨٠ء دے ݙہاکے وِچ، عمانی حکومت نے سکولاں دی اَمبارتاں دی اُساری، مناسب آلیاں اَتے نصابی کتاباں دی فراہمی اَتے اُستاداں / اُستانیاں دی تربیت دی فراہمی دی سرپرستی کِیتی۔ اصلاحتاں ہُݨ تئیں جاری ہِن۔

کُجھ ویلے پہلاں سلطان قابوس یونیورسٹی دے کالج آف انجینئرنگ نے طالبات دے داخلے اُتے پابندی لاء ݙِتّی، اِیہ دعویٰ کِیتا جو انجینئرنگ دی فیلڈ ورک دی "آؤٹ ڈور سیٹنگ" اِنّھاں کِیتے سماجی طور تے مناسب کائے نِھیں۔ بھان٘ویں جو طالبات نے احتجاج کِیتا، ٻہوں ساریاں زنانیاں کوں ٻِنّھاں اداریاں وِچ کوچ کرݨا پِیا۔ جاں جو حالیہ واقعیاں وِچ اِیکُوں بَدل ݙِتّا ڳیا ہِے اَتے اِیہ تئیں جو زنانیاں کوں وی اِین٘دے وِچ ون٘ڄݨ دی اجازت ہِے۔

کَم کار

١٩٧٠ء دے ݙہاکے توں، عام طور تے ٻاہرلے مُلخ تعلیم گِھنَّݨ آلیاں زنانیاں کوں عمان وَل آوݨ اَتے "قوم دی نویں اُساری" وِچ مدد کرݨ دی ترغیب ݙِتّی وین٘دی رہی ہِے۔ جدیدیت اَتے ترقی دے نظریاں کوں قبول کرݨ آلے اڳواݨاں دے نال، زنانیاں تقریباً ہر پیشے وِچ ملازمت حاصل کرݨ دے قابل تھئیاں۔