عائشہ خالد

عائشہ خالد (اردو: عائشہ خالد) (انگریزی: Aisha Khalid) (ڄَمَّݨ دی تَرِیخ: ١٦ نومبر ١٩٧٢ء)۔ اُوہ ہِک پاکستانی بصری فنکارہ ہِن۔ جیڑھی فنِ تعمیراتی مقاماں وِچ منی ایچر، ٹیکسٹائل اَتے بصری مواد بݨاوݨ اَتے اُون٘دے سُݨھَپ تے کَم کرین٘دی ہِن۔ عائشہ خالد پاکستانی فنکاراں دے اُوں جتّھے نال تعلق رکھین٘دی ہِن جِنّھاں نے مصوری دی روائت کُوں عصری آرٹ دی بین الاقوامی سطح اُتے منائے ون٘ڄݨ آلی شکل وِچ بَدَل چھوڑیا ہِے۔ حالیہ ورھیاں وِچ عائشہ خالد دی مشق وِچ وݙّے پیمانے تے فن پارے، کَن٘دھا اَتے تنصیباں وِچ ودھارا تِھیا ہِے۔ اُوہ اِیں سکول دی ممبر ہِن جیکُوں پاکستانی "نو مینی ایچر" سکول آکھیا وین٘دا ہِے۔ عائشہ خالد کُوں پاکستان دی کلاسیکی مصوری دی تن٘دِیر وِچ شامل کِیتا ڳیا ہئی۔ اُوہ اِیں ویلے دی اہم فنکارہ ہِن۔

تعلیم

عائشہ نے ١٩٩٣ء وِچ نیشنل کالج آف آرٹس، لاہور تُوں گریجوایشن کِیتی اَتے ٢٠٠٣ء وِچ ایمسٹرڈیم دے رجسکا ڈیمی تُوں فائن آرٹس وِچ پوسٹ گریجوایشن دی ݙڳری مکمل کِیتی۔

موضوعات

عائشہ خالد دے کَم دا وݙا حِصّہ صنفی موضوعاں تُوں متعلق ہِے۔ اِنّھاں دے کَم کُوں "زنانی حساسیت" دے طور تے ݙسایا ڳیا ہِے جیڑھا جزوی طور تے روائتی زنانی دستکاری جیویں ٹیکسٹائل اَتے سوئی دھاڳے دے کَم توں متعلق ہِے۔ عائشہ خالد کپڑیاں دی مصنوعاں وِچ پُھلّاں دے نقش تے نگار دے نال روائتی اسلامی نمونیاں (ہلال، تارہ) کُوں وی ورتیا ہِے، ہندی نمونیاں اُتے وی عائشہ دی بھال ہِے۔ صنف دے مرکزی وِچار کُوں سامھݨے رکھین٘دے ہوئے اُنّھاں نے بُرقے آلی یا بے پردہ زنانیاں شخصیّتاں دے موضوع کُوں وی وَل وَل ورتیا ہِے۔ ٩ ستمبر ٢٠١١ء دے بعد اُنّھاں دے کَم وِچ ہِک نویں سیاسی جہت وی رَل ڳئی ہئی۔

ایوارڈ

• ٢٠١١ء وِچ جمیل آرٹ پرائز کِیتے چُݨی ڳئی ہَن۔ اِیں سال پیپل چوائس ایوارڈ جِتّیا۔
• عائشہ خالد کُوں ٢٠١٢ء وِچ آرٹسٹ کتاب زمرے وِچ ایلس ایوارڈ نال وی نوازیا ڳیا ہئی۔