طفیل نیازی

طفیل نیازی (اردو: طفیل نیازی) (انگریزی: Tufail Niazi) (ڄَمَّݨ دی تَرِیخ: ١٩٢٦ء – فوت تِھیوݨ دی تَرِیخ: ٢١ ستمبر ١٩٩٠ء) پاکستان نال تعلّق رکّھݨ آلے سرائیکی ٻولی دے مہان٘درے لوک ڳائیک اَتے موسیقار ہَن۔

حیاتی دا احوال

طفیل نیازی ١٩١٦ء کُوں منڈیراں، پنجاب، ضلع جالندھر، برطانوی ہند (موجودہ پاکستان) وِچ ڄَمّے ہَن۔ طفیل نیازی نے پہلاں ناٹکاں وِچ شرکت کِیتی اَتے سسّی پُنُّوں، ہِیر ران٘جھا، سوہݨی مہین٘وال اَتے پورن بھڳت جئیں کلاسیکل ناٹکاں وِچ ہِیرو دا کردار ادا کِیتا، وَل اپݨاں ہِک سنگیت جَتّھا بݨا تے اَنجو انج جائیں اُتّے ڳاوݨ دے سلسلے دا اَغاز کِیتا۔ ہند دی ون٘ڈ دے بعد پہلاں ملتان وِچ ٹِکاݨاں کِیتا وَل لاہور ٹُر ڳئے۔

٢٦ نومبر ١٩٦٤ء کُوں پاکستان ٹیلی ویژن دی گُھنݙ کُھلائی نشریات دا اَغاز اِنّھاں دے مہان٘درے ڳاݨے "لائی بے قدراں نال یار" نال تِھیا۔ ١٩٧٠ء دے ݙہاکے وِچ اُوہ لوک وِرثہ دے ادارے نال ڄُڑ ڳئے اَتے پاکستان ٹیلی ویژن دے مہان٘درے پروگرام "لوک تماشا" وِچ آپ وی ڳاݨے ڳائے اَتے ٻِنّھاں دے ڳاݨیاں دی دُھنّاں وی مرتب کِیتیاں۔ اِنّھاں نے لوک موسیقی وِچ اپݨے وکھرے انداز دی سُن٘ڄاݨ کرائی۔

اعزازات

حکومت پاکستان نے طفیل نیازی کُوں اِنّھاں دی فنّی خدمتاں دے صِلے وِچ ١٤ اگست، ١٩٨٢ء کُوں صدارتی تمغائے حسنِ کارکردگی دان کِیتا۔

وفات

طفیل نیازی ٢١ ستمبر ١٩٩٠ء کُوں اسلام آباد، پاکستان وِچ فوت تِھی ڳئے۔