طارق امین یازر
طارق امین یازر سرائیکی تے اردو دا خوبصورت شاعر ھے
اصل ناں طارق امین
تخلص یازرؔ
جٖمنْ 1996ء
تعلیم ایم اے
پیشہ ذاتی کاروبار
جاہ پتہ خان پور ضلع رحیم یار خان
(1)غزل
لکھومحبت وچ اثر کینی تاں کینی
تیڈٖا دل ساڈٖا گھر کینی تاں کینی
جے تَیں آکھئے جو کاں چِٹّے تاں چِٹّے
جے تَیں آکھئے اگر کینی تاں کینی
تیکوں ہک ڈٖینہ اساں اُڈٖ کے ڈٖکھیسوں
توڑے جو ساڈٖے پر کینی تاں کینی
میں آہداں پیار کر نئیں تاں میں مرداں
او آہدے بھانویں مر کینی تاں کینی
ساکوں یازرؔ نہ مہنْے ہار دے ڈٖے
اساں کئی کاریگر کینی تاں کینی