صغریٰ ربابی

صغریٰ ربابی (اردو: صغرا ربابی) (انگریزی: Sughra Rababi) (ڄَمَّݨ دی تَرِیخ: ٢٩ اگست ١٩٢٢ء) (فوت تِھیوݨ دی تَرِیخ: ٣٠ جنوری ١٩٩٤) ہِک پاکستانی فنکارہ ہَن۔ ١٩٤٠ء دے ݙہاکے وِچ ہِک نوجوان زنانی آرٹسٹ دی حیثیّت نال، اُوہ آل انڈیا پینٹنگ مقابلہ ایوارڈ جِتَّݨ آلی پہلی زنانی ہَن۔

صغریٰ ربابی

صغریٰ ربابی دا آپ بݨایا ہویا اپݨاں پورٹریٹ

ہِک ورسٹائل پینٹر، ڈیزائنر اَتے مجسمہ ساز ہووݨ دے نال نال صغریٰ ربابی اپݨے زمانے تُوں ٻہوں اڳّوں دی تِریمت ہَن۔ اُوہ ٻہوں وسیع وِچار دی مالک زنانی ہَن، جیڑھی ٻہوں اڳّوں دا سُچین٘دی ہئی اُنّھاں نے اپݨے فن کُوں ویچݨ نال حاصل تِھیوݨ آلی زیادہ تر رقم انسانی اسباب دی ترقی کِیتے عطیہ کِیتی۔

اُنّھاں دے فن دی ٻاہْرلے مُلخ وی ٻہوں قدر کِیتی وین٘دی ہِے۔ اِنّھاں دی فنکارانہ اَتے فلاحی خدمتاں دے اعتراف اَتے اِنّھاں دی یاد وِچ، یونیسف نے ہِک صغریٰ ربابی فنڈ تشکیل ݙِتّا اَتے سان فرانسسکو دے میئر نے ١٩ جنوری ١٩٩٤ء کُوں سان فرانسسکو وِچ صغریٰ ربابی دا ݙیہاڑا مناوݨ دا اعلان کِیتا۔ ہِک کامیاب پاکستانی مصورہ، صغریٰ ربابی، نے کراچی دے سارناگتی سکول آف آرٹ وِچ گریجویٹ اَتے ہندوستان دے بنگال وِچ شانتینیکیٹن فنونِ لطیفہ یونیورسٹی وِچ پوسٹ گریجوایٹ تعلیم حاصل کِیتی۔

اُنّھاں دی فنّی حیاتی دا انجام پنڄ ݙہاکیاں تُوں وَدھ عرصے اُتّے محیط ہِے اَتے اُنّھاں نے اپݨی حیاتی وِچ کَلِّھی (سولو) اَتے ساجھی (گروپ) نمائشاں وِچ اپݨے فن دا مظاہرہ کِیتا۔ اُنّھاں دی اَخِیرلی کَلّھی نمائش ١٩٩٢ء وِچ کیلیفورنیا دے سان فرانسسکو وِچ تھئی ہئی۔ ربابی دا فن اصلی ہئی اَتے اُون٘دا انداز، ورسٹائل اَتے واقعتاً اِنّھاں دا اپݨا ہئی۔ جین٘دی سبھ تُوں وݙّی خوبی اِین٘دا اصل ہووݨ ہئی۔ اُوہ ہِک مایہ ناز فنکارہ ہَن اَتے اُنّھاں نے مناظر، علامتی اَتے خطاطی دے فن پارے تخلیق کِیتے اَتے اپݨے میڈیمز دے طور تے تیل اَتے ایکریلک کُوں ورتیا ہئی۔ ربابی ہِک ڈیزائنر اَتے ہِک مجسمہ ساز وی ہئی۔ اِنّھاں دے فن کُوں بعد وِچ تولیدی عمل انسانیت دی حمایت کِیتے ویچ ݙِتّا ڳیا ہئی۔