شیعہ تے سنی میݙی اصلاح کرن

شیعہ سُنی میڈی اصلاح کرن

میڈے زھن ءچ چند سوال شور مچائ رکھدن ایں سوچ تے اے پوسٹ لکھدا پیاں تساں پڑھے لکھیے لوک میں ان پڑھ دی اصلاح کریسو کہیں تفرقہ بازی توں ہٹ کے ،،،،

(1) واقعہ کربلا اگر اے جنگ کفر و اسلام دی ھئ اکثر علماء و زاکرین اے گال کریندن ،ول امام عالی مقام جڈاں روانہ تھئین انھیں اعلان جہاد کیوں نیں کیتا میڈا منڑ ھے اگر امام پاک صحابہ کرام کوں آھدے جُلو میڈے نانے دا دین خطرے ءچ ھے کیا کوئ صحابی رسول پچھو تے تھیوے ھا؟؟؟؟

(2)امام عالی مقام جنت دے سردار حسین پاک دا قافلہ روانہ تھئے معتبر صحابہ کرام انھیں کوں منع کیتے مرشد نہ ونجو انھیں لوکیں مولا علی نال وفا نیں کیتی تھاکوں وی دھوکا ڈیسن ،صحابہ کرام دی گال سچ ثابت تھئ امام حسین صحابہ کرام کوں اے کتھائیں نیں آکھیا میں جنگ کرنڑ ویندا پیاں.

(3)آپ کربلا پہنچ گئین یزید دی فوج نال مزاکرات کیتے نے آپ نے انھیں کوں آکھیے میکوں واپس مکہ ونجنڑ ڈیو ،یا میں کہیں سرحد تے وینداں جتھاں جہاد شروع ھے میں ونج کے جھاد کریساں ،یا یزید نال ملنڑ ڈیو میں جانڑاں یزید جانڑے ،،سوال اٹھدن اگر کربلا دی جنگ کفر و اسلام دی جنگ ھئ ول آپ نے اے شرطاں کیوں رکھئن.

(4)میں اکثر علماء تے زاکرین کنیں سُنڑداں امام حسین دا پانڑی بند کر ڈتا گیا ھا میں جتناں تاریخ دا مطالعہ کیتے ہر تاریخ ءچ اے ملدے کہ اہل بیت نے نہ نماز چھوڑی ھے نہ تلاوت دا ناغہ کیتے میڈے زھن ءچ سوال اٹھدے اہل بیت وضو کریندے ھن یا تیمم میکوں تیمم دا حوالہ کتھائیں نیں ملیا ھاں البتہ ہک ڈو جاہ تے اے لکھیا کھڑا ھا کہ امام پاک نے شھادت کنیں پہلے غسل کیتے.

(5)شیعہ حضرات دلدل کوں تشبیح ڈیندن امام پاک دی سواری نال میکوں کہیں تاریخ ءچ اے پڑھنڑ کوں نیں ملیا کہ آپ گھوڑے تے سوار ہن بلکہ اہل بیت دا سارا سفر اُٹھیں تے ھا کچاوے ہن ،ول اے گھوڑا کیویں دُلدل بنڑیے؟؟؟؟

(6)میڈے مولا علی دی بی اولاد وی ھئ امام حسین دے مترائے بھرا انھیں دی عظمت و بزرگی کوئ گھٹ تا نئیں آخر مولا علی دے پُتر ہن انھیں دے بارے علماء تے زاکرین دی بُوتھی کیوں سویج ویندی ھے انھیں دی شان کیوں نیں بیان کریندے حتی کہ بہوں لوکیں کوں اے پتہ وی نہ ہوسی کہ مولا علی دے بے پتر ھن.

آخری گال میں امام حسین تے اہل بیت دے قاتلیں تے لعنت بھیجنڑ ایمان دا حصہ سمجھداں جیرھا اہل بیت دا منکر ھے او لعنتی دجال ھے جیرھے دوست دلیل نال میکوں سمجھا سگن ست بسم اللہ او بھانویں شیعہ ھے یا سُنی ،اگر میڈی پوسٹ تے تفرقہ بازی دے کمنٹس تھئے او کمنٹس میں ڈلیٹ کر ڈیساں کھلے دل نال دلیل نال جواب دا منتظر جمیل بلوچ.