شیر میانداد خان

شیر میانداد خان (اردو: شیر میانداد خان) (ڄَمَّݨ دی تَرِیخ: ١٩٦٨ء) پاکستانی قوال اَتے لوک ڳائیک ہِن۔ اُوہ پاکستان دے پاکپتن وِچ ڄَمّے ہَن اَتے اُنّھاں نے ١٩٩٦ء وِچ قوالی جَتّھے دا اَغاز کِیتا۔ اُنّھاں نے قوالی ڳاوݨ کُوں اپݨی ٹٻریتی روائت دے طور تے اپݨایا۔ اِنّھاں دے ݙاݙا دین محمد قوال (دینا قوال) ہندوستان اَتے پاکستان دے مہان٘درے قوال ہَن۔ اِنّھاں نے اپݨے پِیؤ اُستاد میانداد خان تُوں موسیقی سِکّھی۔ اُوہ مہان٘درے قوال نصرت فتح علی خان دے پَتریر / سلُوتر ہَن۔ شیر میانداد ہِک ٻئے مہان٘درے پاکستانی قوال بدر علی خان دے نِکّے بِھرا ہِن جِنّھاں کُوں بدر میانداد قوال دے ناں نال وی سُن٘ڄاݨا وین٘دا ہِے۔

کَم کار آلی حیاتی

شیر میانداد خان نے امریکہ، سوئیٹزر لینڈ، ہندوستان اَتے سنگا پور سمیت اَݨ ڳِݨت بین الاقوامی موسیقی محفلاں اَتے فن دے نمائشاں وِچ صوفیہ کلام دے قوالیاں پیش کِیتیاں ہِن۔ شیر میانداد اَتے اُنّھاں دے قوالی جَتّھے نے پاکستان ٹیلی ویژن اَتے ریڈیو پاکستان کِیتے نغمے وی پیش کِیتے ہِن۔ اِنّھاں دے قوالی جَتّھے نے ناروے دے جنیوا، سوئیٹزر لینڈ اَتے اوسلو وِچ نغمے پیش کِیتے اَتے کُجھ بین الاقوامی موسیقی ایوارڈز وی جِت چُکّے ہِن۔

نعت

شیر میانداد دے کُجھ نعتاں اِیہ ہِن:

• تو کجا من کجا

قوالی

• نَچ ملنگّا
• بابے دی دربار چِڑیاں ٻولدیاں
• جُڳݨی (سخی لعل دی جُڳݨی)
• یاد بُھلدی نئیں تیری
• تمہیں دِل لگی بھول جانی پڑے گی
• قلندری گھرھا
• راز دیاں ڳلّھاں

بِیادری

• اِنّھاں دے ݙاݙا "دین محمد قوال" ہَن۔
• اِنّھاں دے اَبّا سئیں "اُستاد میانداد خان" وی مہان٘درے قوال ہَن۔
• مہان٘درے قوال "نصرت فتح علی خان" اِنّھاں دے پَتریر / سلُوتر ہَن۔
• مہان٘درے قوال "بدر میانداد قوال" اِنّھاں دے وݙّے بِھرا ہِن۔