شفاء بنت عبد اللہ

شفاء بنت عبد اللہ لِکّھݨ پڑھݨ اَتے پُھل تَوِیت وِچ مہان٘در رکھین٘دی ہَن۔

ناں تے نسب

شفاء ناں، قبیلہ قریش دے ٹَٻَّر عدی تُوں ہِن، سلسلہ نسب اِیہ ہِے: شفاء بنت عبد اللہ بن عبد شمس بن خلف بن سداد بن عبد اللہ بن قرط بن زراح بن عدی ابن کعب بن لوئی، اَمّاں دا ناں فاطمہ بنت وہب بن عمرو بن عائذ بن عمر بن مخزوم ہئی۔

نکاح

ابو حشمہ بن حذیفہ عدوی نال نکاح تِھیا۔

اسلام

کوچ کرݨ تُوں پہلاں مسلمان تھئی ہَن۔

عام حالات

حضرت محمدِ مصطفیٰ صلی اللہ علیہ و آلہٖ و سلم نال اِنّھاں کُوں ٻہوں پِرِیت ہئی۔ حضرت محمدِ مصطفیٰ صلی اللہ علیہ و آلہٖ و سلم جݙݨ وی اِنّھاں دے گھر تشریف فرما ہون٘دے ہَن تاں اَرام فرمین٘دے ہَن۔ اِنّھاں نے حضرت محمدِ مصطفیٰ صلی اللہ علیہ و آلہٖ و سلم کِیتے ہِک وَکھرا وِچھاوݨاں اَتے ہِک تہبند رکھ چھوڑی ہئی، کیوں جو اِنّھاں وِچ حضرت محمدِ مصطفیٰ صلی اللہ علیہ و آلہٖ و سلم دا پسینہ جذب تِھین٘دا ہئی، اِیہ وݙّی متبرک شئیں ہَن۔ شفاء دے بعد اِنّھاں دے اَل نے اِنّھاں تبرّکاں کُوں ٻہوں احتیاط نال محفوظ رکھیا، ڄاں جو مروان نے اِنّھاں تُوں اِیہ سبھ شئیں گِھن گِھدیاں۔

حضرت محمدِ مصطفیٰ صلی اللہ علیہ و آلہٖ و سلم اِنّھاں کُوں ہِک مکان وِچ عنایت فرمایا ہئی اَتے اُوہ اپݨے پُتر دے نال ہون٘دے وِچ ٹِکاݨاں کرین٘دے ہَن۔

حضرت عمر فاروق رضی اللہ عنہٗ نے اپݨے خلافت دے ویلے وِچ اِنّھاں دے نال خاص رعائیتاں کِیتیاں تہوں ابنِ سعد وِچ ہِے، "عمر اِنّھاں کُوں رائے وِچ مقدّم رکھین٘دے اَتے اِنّھاں دی فضیلت دی رعائت کرین٘دے اَتے اِنّھاں کُوں بازار دا اہتمام کرین٘دے ہَن۔"

اَل

اَل وِچ ݙُو دا پَتہ چلدا ہِے، سلیمان اَتے ہِک چھوہِر جیڑھی شرجیل بن حسنہ کُوں منسوب ہئی۔

فضل تے کمال

جاہلیّت وِچ ݙو شئیں مہان٘درے ہَن، پُھل تَوِیت اَتے لِکّھݨ، پُھل تَوِیت تُوں متعلق حضرت محمدِ مصطفیٰ صلی اللہ علیہ و آلہٖ و سلم تُوں اِنّھاں نے استفتاء کِیتا ہئی، حضرت محمدِ مصطفیٰ صلی اللہ علیہ و آلہٖ و سلم نے اجازت ݙِتّی ہئی اَتے فرمایا ہئی جو حفصہ بنت عمر کُوں وِی سکھا ݙیؤ، لِکّھݨ دے متعلق وی اِیہو حُکم ݙِتّا ہئی۔ کوِیلی دے ݙن٘ڳݨ تے اِیہ منتر پڑھدی ہَن: ”بِسْمِ اللهِ صَلْو صُلْبٌ جَبْرٌ، تَعَوُّذًا مِنْ أَفْوَاهِهَا، وَلَا تَضُرُّ أَحَدًا، اللهُمَّ اكْشِفِ الْبَاسَ رَبَّ النَّاسِ۔“

اخلاق

اسد الغابہ وِچ ہِے، "اُوہ وݙی عاقلہ اَتے فاضہ ہَن،"۔

وفات

شفاء بنت عبد اللہ سن ٢٠ ہجری یعنی حضرت عمر فاروق رضی اللہ عنہٗ دی خلافت دے ویلے وِچ جھوک لݙا ڳئی ہَن۔