سیف سمیجو

سیف سمیجو (اردو: سیف سمیجو) (انگریزی: Saif Samejo) ہِک ڳائیک، اَتے پاکستانی صوفی ڳائیک، لوک بینڈ "دی اسکیچس" دے اڳواݨ ڳائیک، نغمہ نگار اَتے بانی ہِن۔ مئی ٢٠١٤ء وِچ اُنّھاں نے حیدر آباد، سندھ وِچ پہلا موسیقی آشرم (سکول) کھولیا جین٘دا ناں "لاہوتی میوزک آشرم" ہئی۔ اُنّھاں نے کوک سٹوڈیو پاکستان وِچ داستان "مومل رانو اُتے موسیقی تیّار کِیتی ہِے۔

سیف سمیجو ڳائیک اپݨے فن دا مظاہرہ کرین٘دے ہوئے

ابتدائی حیاتی اتے تعلیم

سیف سمیجو ٢٣ جنوری ١٩٨٤ء کُوں سندھ دے خیر پور میرس وِچ ڄَمّے ہَن، اِنّھاں نے سندھ یونیورسٹی وِچ انگریزی ادب وِچ بیچلرز دی تعلیم حاصل کِیتی۔

موسیقی دا کَم کار

مستقل مزاجی دے نال "دی اسکیچس" دے نِن٘در نشّے وِچ، رانو، رات، میں صوف ہوں، مینا جئیں گِیت ناں صرف سندھ وِچ اِی جاں جو پورے پاکستان وِچ دُھم پائی ہِنیں۔ کُجھ ویلے پہلاں ہِک نواں موسیقی البم تُساں (سندھی: تون)  اَتے ہِک نواں ڳاݨاں "جوڳی" شائع کِیتا ڳیا ہِے۔ سیف نے موسیقی وِچ اصل راجستھانی ذائقہ پیش کرݨ کِیتے مائی دھائی دے نال رَل تے ڳاݨے ڳائے، اِین٘دے تُوں اَن٘ڄ اُنّھاں دا ارادہ ہئی جو لاہوتی میوزک آشرم دے توسّط نال ٻئے فنکاراں دے نال وی تعاون کِیتا ون٘ڄے۔

لاہوتی براہ راست سیشن

لوہوتی لائیو سیشن دا اغاز سیف سمیجو نے جون ٢٠١٣ء وِچ کِیتا ہئی، جیڑھا جو ہِک ہفتہ وار سرگرمی ہِے جِتّھاں سندھ دے انجو انج موسیقار اَتے ڳائیک براہِ راست موسیقی کِیتے سمیجو دے ٹِکاݨے تے کَٹّھے تِھین٘دے ہِن۔

سمیجو آپ جامشورو وِچ واقع راک بینڈ "دی اسکیچس" دا اڳواݨ ہِے، اَتے اُوہ لَمّے ویلے تُوں لاہوتی سیشن کرݨاں چاہن٘دا ہئی۔ ثقافتی تحفّظ کِیتے لاہوتی دے براہِ راست سیشن دی انتہائی ٻِیلی شکّل وِچ اُنّھاں دا ہِک وِچار سچ تِھین٘دا ہِے۔

لاہوتی لائیو سیشن دے ذریعے تقریباً ٥٠ اَنجو انج لوک موسیقاراں کُوں ریکارڈ کِیتا ڳیا ہِے، اَتے اُنّھاں دے گِیتاں کُوں جاری کِیتا ڳیا ہِے۔

لاہوتی میوزک آشرم

لاہوتی سکول آف میوزک لاہوتی لائیو سیشن دی توسیع ہِے جین٘دا دیسی آلیاں اَتے سازاں دے تحفّظ دے تعارف دے نال سیف نے اَغاز کِیتا ہئی۔

ڈسکو گرافی

البمز

• دستکاری (البم) (2009)
• توں (تُساں) (2016)
• میوزک ویڈیو اَتے سنگلز مینا (ڳاݨا)