سیت پور

سرائیکی وسیب لوک تہذیب تے لوک ثقافت دا ڳڑھ ہِے۔ اِیں سانڳے اِتّھوں دے انجو انج شہراں وِچ انجو انج مزاج دے لوک رہن٘دے ہِن۔ اِتُّھوں دے لوک ادب دا تذکرہ وی ٻہوں وسیع اَتے پھیلاء آلا ہِے جیکُوں ہِک جاء تے کٹّھا کرݨ ٻہوں اوکھا کَم ہِے تہوں اِیکُوں اساں انجو انج شہراں دے ناں دے نال اُنّھاں دے لوک ادب (Folklore) دے حساب نال ونݙین٘دے ہِسے۔

ضلع مظفر گڑھ

ضلع مظفر گڑھ سرائیکی دا ہِک اہم شہر ہِے۔ اِیندے شمال وِچ لیّہ، مشرق والے پاسے دریائے چناب تے اِیندے پار ضلع ملتان ہِے، جنوب دے پاسے ضلع بہاول پور تے ضلع رحیم یار خان ہِن، مغرف دے پاسے دریائے سندھ اَتے اِیندے پار ڈیرہ غازی خان تے راجن پور دے اضلاع ہِن۔ مظفر گڑھ دِی بنیاد نواب مظفر خان نے ہِک قلعہ بݨوا تے رکھی ہَئی، علم و اَدب دِی روایت اِبتداء تُوں اِی چلدی آندی ہِے۔

سیت پُور (تحصیل)

جُغرافیہ

علی پور توں 20 کلو میٹر دور، دریائے چناب توں 5 کلو میٹر دے فاصلے تے ہِے۔ اِیندا ذِکر ’’رگِ وید‘‘ وِچ مِلدے، سیتا رانی دے ناں دِی مناسبت نال سیت پور اِیندا ناں رکھیڄ ڳیا۔

لوک ادب

مولوی جند وَݙا (پیدائش 1774ء۔ وفات 1881ء) سرائیکی دے شاعر ہن۔ نواز سیت پوری، دا قصہ شاہ فیصل، دیوانِ نواز چھپ چکیئن۔ مولوی جانباز (پیدائش 1840ء۔ وفات 1911ء)، قصّہ جانباز عالم، شاہنامہ فردوسی، فارسی داستان دا منظوم ترجمہ اُنہاں دِیاں تصانیف ہِن۔

بے وَس، جنہاں دا اَصل ناں محمد رمضان فرید ناز ہَئی، (پیدائش 1905ء۔ وفات 1966ء)، اُنہاں دِیاں کتاباں محمدی انوار، پُھل بَہشتی، شائع تِھی چُکیئن۔ مشہور شاعر سیف اللہ سیفل دا تعلق وِی سیت پور نال ہِے سیفل دے ڈوہڑے، ہجر دے انگارے کوک، پکھیرو، پونبل، اَتے کشکول دے ناں نال اُنہاں دِیاں شعری تخلیقات چھپ چُکیئن۔

ٻِیا ݙیکھو

• مظفر گڑھ

• سرائیکی لوک ادب

• سرائیکی وسیب

• سرائیکی وسیب دی ثقافت

ٻاہرلے جوڑ  

• ڈاکٹر خالد اقبال صیب دی لائبریری دا ٻِیا مواد

• تاریخ ملتان۔ حصّہ اوّل آرکائیو تھئی ہوئی۔ (آرکائیو ڈاٹ او آر جی) اُتے۔

• ملتان دے وِچ سرائیکی ٻولی دا علمی اَدبی خزانہ جیڑھا انجو انج لائبریریاں وِچ موجود ہِے۔۔ ۔ ۔ ۔ ۔ ۔ ۔