برصغیر پاک و ہند افغانستان تے ایران، عہد قدیم توں ماہرین دے مطابق ݙو ہزار سال 2000 قبل مسیح آریہ اقوام دی آمد دا زمانہ جݙݨ آریہ، وسط ایشیا توں ایران وچ داخل تھئے، دراوڑ جیہڑے اتھوں دے پہلے پہل آباد کار ہن، انہاں کوں مشرقی طرف دھک ݙتا۔ دریائے سندھ دے کنارے گندھارا تہذیب دی بنیاد سٹی۔ ایہو زمانہ ہند آریائی زبان سنسکرت دی ابتدا دا دور ہے۔ عہد وسطیٰ 1500 پندرہ سو قبل مسیح توں 500 قبل مسیح تک دا زمانہ بحوالہ رگ وید دی تخلیق دا دور جیندا مرکز گندھارا ہئی۔ سنسکرت ہک قدیم ترین زبان ہے۔ اہل ہنود دے قدیم مذہبی، فکری، تاریخی ادب دا وݙا حصہ ایں زبان وچ لکھا ڳیا ہے۔ فی زمانہ گو کہ ایہ زبان زندہ نی رہی تاہم اینکوں دوبارہ فروغ ݙیوݨ کیتے گذشتہ صدی توں سرکاری سطح تے کافی کوششاں جاری رہیاں ہن۔ کالی داس تے سورداس سنسکرت دے وݙے شاعر تے عالم گزرے ہن۔[١]

حوالےلکھو

  1. تحقیق و تحریر، اسماعیل بھٹہ