سرمد سندھی

سرمد سندھی (اردو: سرمد سندھی) (انگریزی: Sarmad Sindhi) (ڄَمَّݨ دی تَرِیخ: ٧ جولائی ١٩٦١ء – فوت تِھیوݨ دی تَرِیخ: ٢٧ دسمبر ١٩٩٦ء) سندھی لوک ڳائیک، سندھی ٻولی دے نغمہ نگار ہَن۔ اِنّھاں کُوں "رحمان مُغل" دے ناں نال وی سُن٘ڄاݨا وین٘دا ہِے۔

اِنّھاں نے اپݨے سبّھے مہان٘درے ڳاوݨیاں "تو ہیجی یاد جی واری آ ویر" سمیت ہر طرحاں دے لوک گِیت ڳائے، جیڑھے اِنّھاں دی نسل دا ترانہ بݨ ڳیا۔

کَم کار

سرمد سندھی دی دُھنّاں نے صوبے وِچ وَسَّݨ آلے لوکاں کُوں پووݨ آلے اوکھاں جیویں: "سندھ اُچّی آ، سندھی اُچّی آ" (سندھ ٻہوں چنڳّا ہِے) اُتے مرکوز کِیتا۔ "مارو لولی" اتے "توہیجی یاد جی واری آ ویر" اِنّھاں دے پہلے ڳاݨے ہَن جیڑھے ریڈیو پاکستان، حیدر آباد تُوں چلائے ڳئے ہَن۔

وفات اتے میراث

سرمد سندھی بدین، سندھ تُوں کراچی وَلّے آن٘دے ہَن جو اُنّھاں دی ڳَڈّی ٹریکٹر ٹرالی نال ٹَکّرا ڳئی جین٘دے وِچ اُوہ اپݨے ٻیلیاں رَلّے سمیت ٻہوں زخمی تِھی ڳئے۔ جہڑیلے سرمد سندھی کُوں ہسپتال گِھن تے وین٘دے پئے ہَن تاں ٢٧ دسمبر ١٩٩٦ء کُوں رَستے وِچ اِی اُنّھاں دی موت تِھی ڳئی۔

٢٠١٧ء وِچ اُنّھاں دے ورھیݨے دے موقع تے سندھی ادبی سنگت نے انّھاں کُوں خراجِ عقیدت پیش کرݨ کِیتے، ضلع خیر پور وِچ ہِک تقریب دا انعقاد کِیتا، جِتّھاں شاعر سجاد میرانی، روشن شیخ اَتے سعید سندھی دے نال اَݨ ڳِݨت ادبی شخصیّتاں نے اِیں تقریب تُوں خطاب کِیتا۔ اِیں موقع اُتّے تقریراں کرݨ آلیاں نے ڳائیک ہووݨ تُوں انج سرمد سندھی دے معاشرتی کَمّاں دا تذکرہ کِیتا جِتّھاں اُوہ ہِک سماجی کارکن دے طور تے وی سُن٘ڄاݨے وین٘دے ہَن اَتے سرمد سندھی نے اَݨ ڳِݨت غریب ٹَٻراں اَتے ٻالاں دی تعلیم کِیتے معاوݨت کِیتی۔