سرائیکی سُنجانڑدے خلاف غیرپارلیمانی قوتاں دی پارلیمانی سازش

سرائیکی سُنجانڑدے خلاف غیرپارلیمانی قوتاں دی پارلیمانی سازش!! گزریل ڈوسالاں توں ہک پاسوں ادبی محاذتے پلاک جھئیں ادارے کوں سرائیکی شاعراں دے پچھوں لاونڑ،جیندا مقصدسرائیکی شاعری کوں دراصل پنجابی شاعری ثابت کرنڑہائی، ہک شاعر دے انکاردے بعد بئے شاعرکوں ایوارڈدی رشوت ڈیونڑ، ڈوجھے دے انکار بعدتریجھے کوں پھساگھننڑ۔۔۔۔۔۔۔۔۔۔ول ایف ایم ریڈیودی رشوت، سرائیکی کارکناں دی تنقید، لعنت ملامت کنڈ پچھوں سٹ کے پلاک دی ڈائریکٹرصغریٰ صدف دا استقامت نال سرائیکی شاعر،ادیباں کوں وسیب کن تروڑن دیاں کوششاں اونکوں مشکوک ثابت کرنڑ سانگے کافی اِن، ڈوجھے پاسوں اُستادفدحسین گاڈی دی بنڑائی ہوئی سرائیکی لوک سانجھ کوں اسلام آباد، ملتان وچ ڈو کامیاب ’سرائیکی صوبہ ریلیاں‘ دے بعد ہائی جیک کرکے جنوبی پنجاب دے ایجنڈے تے گھن آونڑ، لوک سانجھ کن پارلیمنٹ دا بیانیہ پیش کراونڑ۔۔۔۔۔۔۔۔تریجھے پاسوں اوقوم پرست جیہڑے پیپلزپارٹی ولوں جنوبی پنجاب کوں سرائیکیں سانگے مندا اہدے ہن، لوک سانجھ دے جنوبی پنجاب دے نعرے ویلھے انہاں دے مونہہ تے چپ دے جندرے مار ڈیونڑ، ول نون لیگ توں ٹائوٹ سیاستدانیں دی ہک پوری لاٹ کوں تروڑکے جنوبی پنجاب صوبہ محاذ بنڑاونڑ، اِتھ وی نام نہادسرائیکی قوم پرستاں ک کوں چپ کرا ڈہونڑ، ول جنوبی پنجاب صوبہ محاذکوں پی ٹی آئی وچ ضم کراونڑ، نام نہاد سرائیکی قوم پرستاں ولوں الیکشن وچ پی ٹی آئی دی چپ چپاتی سپورٹ کراونڑ۔۔۔۔۔۔۔۔۔۔۔۔۔۔۔۔اے سوچنڑسانگے کافی ہا جو سرائیکی سُنجانڑدے خلاف غیرپارلیمانی قوتاں دی منظم سازش اگونہی پئی ٹردی اے، اندھیں کوں وی پتہ ہائی جواے سازش پارلیمنٹ دے ذریعے اگوں تے ٹوری ویسی۔۔۔۔۔۔۔۔۔۔۔۔۔۔۔۔۔جیندا سب توں وڈاثبوت حکومتی وزیرطارق بشیرچیمہ اے، جیہڑا پی ٹی آئی حکومت دا وزیر ہوونڑ دے باوجود ہرٹی وی چینل تے بہہ کے بہاولپورصوبے دا پروپیگنڈا کریندا رہ گئے، انہاں چینلاں ہک ٹکروی نئیں چلایاجو سرائیکی وسیب وچ کتھ کتھ طارق بشیرچیمے دا پُتلا ساڑیا گئے، نہ ٹی وی چینلاں اے آکھیا جواوندا بھراطاہربشیرچیمہ وزیراعلیٰ پنجاب دی ’جنوبی پنجاب ایگزیکٹوکمیٹی‘ دا چیئرمین اے۔۔۔۔۔۔بھلا اے تھی سگدے جوہک بھرا جنوبی پنجاب دی گالھ کرے، ڈوجھا بھرابہاولپورصوبے دی!! الیکشن وچ اُنہاں لوکاں کن ’ن لیگ بھگائو‘ تحریک چلوائی گئی جیہڑے کجھ مہینے پہلے بھڑدے رہ گئین جوپیپلزپارٹی سینیٹ وچ قومی زباناں دے بل دی منظوری ویلھے سرائیکی دے خلاف ووٹ ڈتے، پراو اے تلا شودے ہن جوانہاں کوں کجھ ملوم کائنا ہائی جو او’ن لیگ بھگائو‘ تحریک چلاکے جنبوی پنجاب دا اشٹام لکھ ڈیونڑوالی پی ٹی آئی کوں سپورٹ پئے کریندن، لوڑھا رڑھ چردا رہ گئے، بہوں سارے لوک جیڑھے رلیے کھڑے ہن، جانڑبجھ کے چپ رہ گئین۔۔۔۔ساکوں ہکوجواب ملداہائی جونون لیگ سرائیکی دشمن جمات اے، اچھا نون لیگ سرائیکی دشمن جمات اے تاں ول پی ٹی آئی سرائیکی سُنجانڑدی علمبرداراے؟؟ ہک خاص کاریگری نال الیکشن توں پہلوں اینجھی سچوئیشن بنڑائی گئی جوہک پاسوں ڈوصوبیں والی ن لیگ اے ڈوجھے پاسوں جنوبی پنجاب والی پی ٹی آئی، جیکر جنوبی پنجاب والی پی ٹی آئی کوں نوھے منیندے تاں ڈو صوبیں آلی نون لیگ چڑھ ویسی۔۔۔۔۔۔ایندا وڈا ثبوت الیکشن وچ پیپلزپارٹی دا جنوبی پنجاب صوبے کن اگ تے ناں ودھنڑ اے حالانکہ پیپلزپارٹی ہک قدم اگوں ودھ کے سرائیکی صوبے دا نعرہ لیندی تاں سرائیکی وسیب وچ الیکشن نہ ہردی، اتھوں ملوم تھیندے سرائیکی سنجانڑڑدا قتل کرنڑ سانگے صرف ڈو آپشن محدودکرڈتے گئے، سرائیکیاں کوں چونڑ ڈتی گئی۔۔۔۔ڈوصوبے چنہدویاجنوبی پنجاب!! تریجھا آپشن ای ختم کررواڈتاگیا!! اِتھ اپڑیں ٹائوٹاں کولوں بحث شروع کروائی گئی جوصوبہ بنڑن ڈیوو، ناں دی کیا گالھ اے، این ڈبلیوایف پی وانگوں ول بدلاگھنسوں۔۔۔۔۔۔۔۔۔۔۔۔پر، اے گالھھ گول کرڈتی گئی جوساڈی تحریک سرائیکی سنجانڑدی تحریک ہائی صوبے دی تحریک اصلوں نہ ہائی، صوبے دا مطالبہ تاں ایں پاروں کیتا گیا جو وفاق پاکستان وچ قومی سنجانڑ صوبے دے ذریعے مل سگدی اے، اسٹیبلشمنٹ دے ٹائوٹ مارکہ کیا کیتے، ٹانگہ اگوں تے گھوڑاپچھوں جو ڈتے، پہلوں صوبہ گھنسوں ول سنجانڑگھنسوں تے بحث وچ اینکوں جانڑبجھ کے ’انڈا پہلوں آئے یا کُکڑ پہلے آئی‘ والا سوال بنڑاڈتا گیا۔۔۔۔۔۔۔۔۔۔۔۔۔۔۔۔۔۔۔۔۔۔بھلاسُنجانڑمُتوں وی صوبہ ہوندے؟ الیکشن دے بعد جنوبی پنجاب سیکرٹریٹ دی بحث وی سکرپٹ دے مطابق ہائی، ول سرائیکی لوک سانجھ جیہڑی عملی طورتے ہنڑ جنوبی پنجاب لوک سانجھ بنڑچکی اے، اوندے پلیٹ فارم تے ہک بئے دے پچھوں سیمینارکروائے گئے، پارلیمنٹیرینز سڈواکے صوبے دی قانون سازی تے بحث کراونڑ وی سکرپٹ دا حصہ اے، تانجو یوتھ وچ موٹیویشن پیداکیتی ونجے جو صوبہ بنڑدا پئے تے بنڑدے کوں نہ ونجائو (جیویں قومی تحریک کئی خیراتی تحریک ہووے)، لوک سانجھ ولوں بیانیہ چلوایا گیا جو اساں جمہوری لوک اوں ساڈے مقدردا پارلیمنٹ جوفیصلہ کریسی اساں اوہومنیسوں(انہاں کن کہیں نہ پچھا جو اٹھارویں ترمیم وی تاں پارلیمنٹ منظورکیتی ہائی ،ول تساں اٹھارویں ترمیم دےے خلاف شاگرداں کوں کٹھاکرکے مظاہرہ کیوں کیتا)، اصل وچ اوں ویلھے سکرپٹ رائیٹر اٹھارویں ترمیم دے خلاف ہائی، جیہڑا ہنڑوی اٹھارویں ترمیم دے خلاف اے۔۔۔۔۔۔۔ ایندے بعد لوک سانجھ دے قائدین (نام نہاد دانشوراں)کولوں آرٹیکل لکھوائے گئین جوشاعری دا سیاست وچ کئی کم کائنی، سکرپٹ لکھنڑ والے چنگی طراں جانڑدن جو سرائیکی قومی تحریک دی سب توں وڈی تڈ شاعری اے، تحریک کوں شاعری توں پروبھرا کریسوتاں اے چندلوکیں دی تحریک رہ ویسی!! چھیکڑ سٹا ایہو ان نکھتے، جو پارلیمنٹ وچ ہک پاوسوں نون لیگ دا ڈوصوبیں والا بل تے ڈوجھے پاسوں پی ٹی آئی دا یارھاں ضلعیں آلاجنوبی پنجاب صوبہ بل۔۔۔۔۔۔تریجھا کئی آپشن ای باقی نئیں رہنڑڈتا گیا، پیپلزپارٹی وی جنوبی پنجاب بل دی حامی!! ذراسوچیجے تاں کالے بگے اگوں آویندن، ۱۹۹۱وچ جیہڑے کرنل جنوبی پنجاب دا ناں (سرائیکی وسیب)کوں ڈتاہائی، اوں سوچ کے ڈتاہائی جو سرائیکی دھرتی تے پنجابی سرائیکیں تے چڑھ گئین، انہاں دیازمیناں وی سنبھال گھدیاں ہینے تے ہنڑ انہاں جنوبی پنجابیاں کوں ہک صوبہ ڈتاویسی۔۔۔۔۔۔ایں توں ثابت تھیندے جنوبی پنجاب صوبے وچ دھرتی واسیں دا کئی حصہ کائنا ہوسی(جیکربنڑیا تاں)!! ول کیاکریجے؟ سچی گالھ تاں ایہا اے جو سرائیکی قومی سنجانڑکوں کِل(kill)کرنڑسانگے آپشن محدود کرڈتے گئین، جانڑبجھ کے محدودکیتے گئین۔۔۔۔۔۔۔ 1۔ ایہوویلھا اے، دھرتی واس سڑکیں تے آکے اپڑاں وجودمنواوِن تے کم ازکم پیپلزپارٹی کوں سرائیکی سنجانڑ دی حمایت تے مجبورکرڈیون۔ 2۔ ڈوجھا رستہ SSB دا باقی بچدے، اساں سکرپٹ رائیٹرتوں ایہوپچھدوں جوساڈے سانگے تساں جیہڑا رستہ چنڑدے پیو، اساں ایں رستے تے ٹر پیوسے تاں ول چیکنڑ کوڑ ہوسی، اے تحریک پی ٹی ایم، بی ایل ایف، جسمم توں بہوں وڈی تحریک ہوسی۔۔۔۔۔۔حالی کجھ وی نئیں گیا، ساکوں ساڈی سنجانڑ ڈیوو۔۔۔۔۔۔نتاں سرائیکی یوتھ کوں کئی نہ جھل سگسی!!!!!!!!!! ساڈا ایں ریاست کن ہکوسوال اے۔۔۔۔۔کیا ریاستِ پاکستان وچ سرائیکی سنجانڑجرم بنڑ گئی اے؟