سرائیکی تحریک کوں لاحق خطرات
ڈُو ہن بھرا ،ڈوھائیں دی طاقت اَٹھ دے برابر ھئ نہ کشتی ہردے ہن نہ گِسنی بہوں پریں پریں تئیں مشہور ہن ،ہک ڈینھ یاریں سجڑیں دی کچاری لگی پئ ہئ ہک بھرا بانھ اُتوں تے کرکے آکھیے ہے کوئ مائ دا لال جیرھا میڈی بانھ تلے سٹے ،لوکیں ہک بے دو ڈیٹھا کوئ نہ اُٹھیاء،اوندا بھرا اٹھی پیاء اوں ونج کے بانھ تلے سٹ ڈتی جڈاں بانھ تلے گئ بھرا دے اکھیں ءچو ہنجوں آیاں اوں آکھیا وائے گالھا بھرا میں تاں تیڈی تَڈ تیں پھوت بنڑائ بیٹھا ہم جو میڈی کنڈ تیں بھرا کھڑے تئیں اٹھی کے سارا مانڑ تروڑ چھوڑیے ، سرائیکی کوں سرائیکی کنیں خطرہ ھے جنھیں دی تڈ تیں پھوت بنڑائ رکھدے ہئیں اوھو پتہ لگدے اے تاں دشمن ھا، جیویں اساں انھیں کوں ہیرو راھبر بنڑاونڑ تے دیر نسے لئیندے انویں او وی ساڈی بانھ تلے سٹنڑ تے دیر نئیں لئیندے، ہُنڑ وقت ہے اینجھے لوکیں دی سنجانڑ کرنڑ دا تساں قوم پرستیں ءچ تے پیٹ پرستیں ءچ فرق کرنڑے ،نسخہ بہوں سؤکھا ھے جنھیں اج تک سرائیکی سرائیکی دا ورد کیتی رکھے اُو بھانویں شاعر ہے یا ادیب تے محقق سیاستدان ہے یا صحافی جنھیں شاید روٹی وی ایں ناں دے صدقے کھادی ھے کیا انھیں دے ایں ورد نال سرائیکی کوں وسیب کوں فائدہ تھئے یا اے لوک ساڈے ہتھ ءچ کاسہ ڈے کے آپ شاہ بنڑ بیٹھن ،اے فیصلہ تساں خود کرنڑے شخصیت نئیں ڈیکھنڑی کون ھے کم ڈیکھنڑے کردار ڈیکھنڑے بھانویں جیڈی وڈی شخصیت ھے اگر اوندے کہیں عمل نال وسیب کوں فائدہ نئیں تھیاء سمجھ ونجائے اے منافق ہا،میکوں تاں اے مشرکین اے مکہ وانگوں لگدن جیرھے کہیں بی پارٹی دا جھنڈا کچھ ءچ پاء کے سرائیکی سرائیکی لئ کھڑے ہوندن حالانکہ صاف پتہ ہوندے انھیں پارٹیں قیام پاکستان کنیں گھن اج تک صرف دوکھا ڈتے فریب ڈتے ساڈیں نسلیں کوں برباد کیتے نے وت وی انھائیں پارٹیں دا الم چاء کے میدان ءچ آندن تاں تساں کتھائیں آپ دشمن تاں نہوے آپڑیں نسل دے اے کتھائیں تھاڈی تَڈ تیں تاں نئیں سب کجھ ودے کریندے اگر تھاڈا حصہ ہے انھیں دے کردار ءچ یاد رکھائے ڈینھ قیامت دے تساں کنیں پچھیا ویسی تھر پارکر ءچ بھکے مردے بچیں دے بارے زینب دی پریس کانفرنس ءچ ٹھکاریں دے بارے دھرتی ماء دے بارے پچھیا ضرور ویسی انھیں توں جیرھے انھیں دے بانھ بیلی بنڑدے ھاؤ مگر یاد رکھائے ماء دا پِٹیاء کڈھائیں ساوا نئیں تھیندا. جمیل حیدری (٣٠ دسمبر ٢٠١٨ء)