سرائیکی ادب ٹور تے پندھ دی تن٘دِیر تے تفصیل

ڈاکٹر سجاد حیدر پرویز دی کتاب "سرائیکی ادب ٹورا تے پندھ"  (1980 تا 1995ء) دے سرائیکی لوک ادب دا جائزہ ہے ایں کتاب وچ 16 سال دے دوران چھپݨ والیاں کتاباں دا تعارفی تذکرہ موجود ہے۔ چھ سو بتری (632) صفحات اُتے مشتمل ایہ ضخیم کتاب، اکتوبر 1996ء وچ ’’ مجلس سرائیکی مصنفین پاکستان، چغتائی بلڈنگ بلوچ نگر، مظفر گڑھ دی طرفوں چھاپی ڳئی ہے۔  اِیں کتاب دی تندیر کجھ ایں طرحاں ہے۔

• دینی ادب

• لسانیات                          

• لوک ادب

• تحقیق تے تنقید

• تاریخ تے ثقافت

• تذکرہ نگاری تے شخصیت            

• فریدیات

• ناول                      

• قصہ، کہانی، افسانہ

• ڈرامہ                            

• سفر نامہ

• طنزیہ مزاحیہ ادب                    

• ٻال ادب

• متفرق صنفاں                  

• مضمون نگاری

• مکتوب نگاری                  

• واقفیت عامہ

• سیاسی ادب              

• تریمتاواں ادب

• اخبار رساتے                    

• مذہبی شاعری

• شعری کتاباں                    

• سندھی شعری کتاباں تے سرائیکی

• شعری ترجمے

کتاب دی ایں تندیر توں واضح تھیندے جو ڈاکٹر سجاد حیدر پرویز ہوراں ہک  "ادبی مورخ اتے محقق دے طور تے سرائیکی ادبی دی رفتار تے ایںزبان دے ادب وچ تھیون اضافے، ہر ونکی دے سرائیکی ادبی صنفی دائرے وچ آون والیاں کتاباں کوںباقاعدہ حوالہ جاتی انداز وچ محفوظ کیتے۔ سرائیکی ادب دی موضوعاتی ونڈ ویتر کرتے، انہاں سرائیکی ادب دے طالب علماں، تحقیق کاراں تے سرائیکی ادب نال دل چسپی رکھن والیاںکیتے ٻہوں  آسانی پیدا کر ݙتی ہے۔ ایں طرحاں ایہ کتاب ’’ سرائیکی ادب دی ٹور تے پندھ‘‘ ببلو گرافی، اعشاریہ سازی دے کم کیتے حوالہ جاتی درجہ رکھیندی ہے تے مستقبل دے محققین جو کہیں وی سرائیکی ادبی موضوع بارے تحقیق وچ، انج طور تے کہیں حوالے نال تحقیق کرݨ  چاہندے ہووݨ انہاں کیتے بطور خاص کتابیات دے تناظروچ فہرست سازی کیتے یکجا مواد مہیا کریندی ہے کتابیات، دی مقالہ جاتی تحقیق وچ ٻہوں اہمیت ہے ۔

حمید الفت ملغانی ایں بارے لکھدن:

"کتابیات ہک اینجھی فہرست کوں آکھیا وندے جیڑھی انھیں لکھاریں کیتے بݨائی ویندی ہے جیڑھے کہیں موضوع تے لکھیئے ہوئے مواد بارے ڄانݨ چاہندے ہووݨ ، ایںفہرست کوںعام طور تے الف بائی ترتیب نال تیار کیتا ویندے۔ جیندے وچ کہیں کتاب دی تفصیل دے حوالے نال مصنف دے ناں، کتاب دے عنوان، چھپݨ دے مقام، چھاپݨ والے ادارے، چھپݨ دے سال تے کتابیں دے صفحیں دے اندراج منیئے منائے فنی اصولاںدے مطابق کیتا ویندے، کتابیات دی اہمیت دا اندازہ ایں گاٖلھ توں لایا ونج سگدے جو ایندے بغیر کہیںوی تحقیق دا تصور بے معنی ہوندے۔"

ٻیا ݙیکھو

• سرائیکی ادب ٹور تے پندھ

• سرائیکی لوک ادب وِچ عہد بہ عہد دا نشابر

• ڈاکٹر طاہر تونسوی دی گول پھرول

• تاریخ تے تنقید اتے ڈاکٹر طاہر تونسوی

• سنین اَتے سرائیکی ادب ریت تے روایت

ٻاہرلے جوڑ

• سئیں ڈاکٹر خالد اقبال دی لائبریری ݙیکھو

• سئیں ڈاکٹر خالد اقبال دا تعارف انگریزی وِچ

• ڈاکٹر خالد اقبال صیب دی لائبریری دا ٻِیا مواد۔ ۔ ۔ ۔