سرائیکستان دی سیاسی اہمیت

سرائیکی وسیب اسلام آباد اُتے حکومت کررڑ دا سیاسی گیٹ وے ۔ جو پارٹی سرائیکی وسیب کِنوں سیٹاں جیت ویسے اوھا پارٹی اسلام آباد دے تخت اُتے بہہ ویسے ۔ اپ ڈیکھیں پیپلز پارٹی نے سندھ ءِچوں تقریباً تمام سیٹاں جیتن لیکن اسلام آباد دے تخت اُتے نہیں بہہ سڳی ایویں مسلم لیگ نون نے پنجاپ ءِچوں سو کِنوں اُتے سیٹاں جتن لیکن اسلام آباد دے تخت اُتے نہیں بہہ سڳی ایندے برعکس تحریک انصاف نے سرائیکی وسیب وچوں سیٹاں جیتن اَتے اڄ او اسلام آباد دے تخت تے بیٹھی ھوئی ھے ۔ ایں کِنوں ثابت تھیندے سرائیکی وسیب اسلام آباد دے تخت تے قبضہ کررڑ اصل محرک ھے ۔ سرائیکیں دی سیاسی طاقت دا محرک ھے لیکن بدقسمتی نال سرائیکی قوم پرست ایں محرک کوں نہیں سمجھدے ۔ مختلف تڄربات دے بعد میں اے نتیجہ کڈھم جو سرائیکی قوم پرستیں دی اوں پرت دا تعلق پیپلز پارٹی نال ھے جو ھڑ 60 / 70 سالیں دی عمر ءِچ ھن انھیں قوم پرستیں دے مطابق پیپلز پارٹی ھی سرائیکی صوبہ بڑیسے اَتے اِنھیں پیپلز پارٹی کو چار دفعہ اقتدار منتقل کروائے سرائیکی نوجوان طبقہ پیپلز پارٹی کِنوں بد ضن ھے سرائیکی قومتی تحریک ءِچ جو اتنا وڈا عرصہ لڳے اوں انھیں بابیں دی وجہ کِنوں لگے جو ھڑ وی ھک طرف سرائیکی قوم پرستی کوں دھوکہ ڈیندے پِن ڈوجھی طرف انھیں دی تمام تر ہمدردی پیپلز پارٹی نال وابستہ ھن انھیں دی وابستگی براہ راست وی ھے اَتے بلواسطہ وی ھے ۔ انھیں وچوں ظہور احمد دھرہجہ ، کرنل جبار عباسی ، عاشق بزدار ، اکبر ملکاڑی ، محترمہ نخبہ لنگاہ وی وغیرہ شامل ھن اگلے ڈو چار سالیں ءِچ انھیں وچوں کئی بڈھے مر ویسِن انشاء اللہ ۔میڈے خیال ءِچ انھیں دے مرن نال سرائیکی قوم پرستی گراس روٹ لیول تے منتقل تھی ویسے ۔ کیونجو نوجوان طبقہ پیپلز پارٹی نال منسلک کائنی جو طبقہ تحریک انصاف نال منسلک تھئے او وی وقتی جذباتی انداز ءِچ شامل تھئے انھیں دی منزل یقناً قوم پرستی ھوسے. (ڄام بھورل گھلیجہ)