ساݙا ہووݨ نہ ہووݨ ہکو جیہا

ساڈا ھوونڑ نہ ھوونڑ ہکو جھیاں ھے اساں آپڑیں آپ دے مجرم تے گنہگار ھیں اساں ڈو جنگھیں آلے جانور ہیں جنھیں کوں اُنھیں دے مالک سڑک تیں مریندن بازار ءچ تماشہ بنڑیندن ساڈی منڈی چوک ءچ لگدی ھے بے مُل دا کیرھا مُل لگڑیں ہک ڈینھ دا رزق ڈے کے سارا ڈینھ چمڑا لہاوے، ساڈی نسل دے کجھ جانور زرا حساس دل دے ہن اگر مالک کم کار کراکے تڑھا چھوڑے تاں روونڑ لگ ویندن بے عقل جو تھئے انھیں کوں اج تک شاید ایں گال دا پتہ کائینی کہ جانوریں ءچ جزبات نیں ھوندے، صرف وفاداری ھوندی ھے آقا دا حکم فرض عین ھوندے، ساڈا لہو پیوے یا ساکوں ویچ وٹا کے عزت پاوے، ساڈی چپ ساڈا سرمایہ ھے شام کوں ہکے ہنبھاہ تے کٹھے تھی کے صرف ایھے گالھیں کرنڑئن کیندا مالک ظالم ھے یا فرعون ھے، اساں بھک دے ماریے ہیں روٹی دے بدلے عزت وچیندے ہیں، ساڈے وسیب تے کال کُریھ ھے ساکوں حشر دی تس ھے میں آپڑیں نسل دے جانوریں کوں روہی ءچ پانڑی دی ہک بوتل تے عزت وچیندا ڈیٹھے، ھاھاھاھا، بھلا جانوریں دی کوئ عزت ھوندی ھے، عزت ھوندی تاں میڈی بھینڑ کوں ویچنڑ آلے معزز ھوون ھا، میڈی دھی نال زیادتی کرکے قتل کرنڑ آلا میڈے سامنڑے پھردا ھووے ھا، میڈے جوان پتر دا قاتل میڈے پتر دے جنازے کوں ڈیکھ کے ٹکھارے مارے ھا، قرضے دی وصولی واسطے میڈے اماں ابے کوں بھٹے تے بدھ سٹے ھا، میڈھی دھی بھینڑ دے مونھ تے تیزاب سٹیا ونجے ھا، اجتماعی زیادتی کرکے ویڈو بنڑائ ونجے ھا، میڈی نسل دے قاتل میڈی قوم تے وطن دے قاتل معتبر سڈویجن ھا، اگر اساں جانور نہ ھوندے اے جرم نہ ھوندے،

اگر اساں انسان ھوندے ساکوں بندے دے پُتر ملدے، مگر افسوس ساڈا، مالک اج وی جڈاں ووٹیں دے شکار واسطے نکلدے او ساکوں ضرور نال گھن ویندے کیونکہ شکار واسطے،،،،،،،،،،،،، ھوونڑ ضروری ھے اساں مالک دی گڈی دے اگو پچھو دُرک کے آپکوں جانوریں ءچو وفادار جانور ھوونڑ دا یقین ڈویندے ہیں، تلخی معاف.