زنان پُݨاں

(اردو: نسوائیت تُوں) (انگریزی: Femininity تُوں)۔ زنانیت تُوں بر عکس اِین٘دے وِچ اُوہ سبّھے کیفیّتاں، صفتاں یا درجے شامل ہِن جیڑھے زنانی یا مرد دی مخالف جنس دی حامل کہِیں بندے وِچ ہووݨے چاہِیدے ہِن۔ بھان٘ویں جو زنان پُݨاں اَتے زنانیت وِچ کئی فرق کرݨ دی کوشش کِیتی وین٘دی ہِے، جین٘دے وِچ جو اول الذکر زنان پُݨاں یا زنانی ہووݨ دی کیفیّت دا ناں ہِے جاں جو ݙوجھے ذکر وِچ ہِک تحریک ہِے زنانیاں کُوں سماج وِچ مناسب مقام دے حصول نال جُڑی ہِے۔ تاہم علمی استعمال وِچ اکثر گڑبڑ تِھین٘دی رَہن٘دی ہِے کیوں جو اِیہ ݙُون٘ہائیں ڳالھیں ہِک ݙوجھے تُوں ٻہوں حد توڑِیں اَنجو انج تِھی تے وِی کئی نزدیکی پان٘سیاں دا اشارہ کرین٘دے ہِن۔ کُجھ ناقدین زنانیت دے کُجھ نا انصافی دے پان٘سیاں کُوں مغرب دے سرمایہ دارانہ نظام آلے دیساں وِچ زنانیاں دے وقار نال سمجھوتہ کِیتے ون٘ڄݨ نال جُڑین٘دے ہِن اَتے اِیہ ݙسین٘دے ہِن جو زنانیاں کُوں استحصال کِیتے شئیں وِچ بَدَل ݙِتّا ڳیا ہِے۔ کُجھ لوک (بھان٘ویں جو ٻہوں سارے کائے ناں) جسم فروشی دا تِرِیمت دے کماوݨ دے حق دے طور تے وکالت کرین٘دے ہِن۔

اَتے ݙُوجھے پاسے زنانیت سماجی تے سیاسی تحریکاں اَتے نظریات دا ہِک ٻَنّاں ہِے جین٘دا مقصد جِنساں دی سیاسی، معاشی، ذاتی اَتے سماجی برابری دی وضاحت اَتے اُوکُوں اُساری رکّھݨ ہِن۔ زنانیاں دے حقوق اِیں حیثیّت کُوں رَلین٘دے ہِن جو معاشرے مرداں دے نقطۂ نظر کُوں ترجیح ݙین٘دے ہِن، اَتے اِیہ جو اِنّھاں معاشریاں وِچ تِریمتِیں / زنانیاں دے نال نا انصافی کِیتی وین٘دی ہِے۔ تبدیلی دے کوشِتاں جِنّھاں وِچ صنف دے بارے پُراݨے تصوراں دے خلاف لڑݨ اَتے زنانیاں کِیتے تعلیمی، کَم کار دے اَتے آپتی مواقع اَتے نتیجے کُوں اُسارݨ رَلّا ہویا ہِے جو اُوہ مرداں دے برابر ہِن۔

ٻیا ݙیکھو

• زنانیت
• نسوانیت
• زنانیاں دا ادب۔
• تِرِیمتاں دے رسالے۔