رضیہ بٹ

رضیہ بٹ (اردو: رضیہ بٹ) (انگریزی: Razia Butt) (ڄَمَّݨ دی تَرِیخ: ١٩ مئی ١٩٢٤ء – فوت تِھیوݨ دی تَرِیخ: ٤ اکتوبر ٢٠١٢ء) پاکستان نال تعلّق رکھݨ آلی اردو دی مہان٘دری ناول نگار اَتے کہاݨی نویس ہَن۔ اِنّھاں نے پاکستانی زنانیاں وِچ سبھ تُوں وَدھ پڑھی ون٘ڄݨ آلی ناول نگار ہووݨ دا درجہ حاصل کِیتا ہِے۔ اِنّھاں دے ناول اَتے کہاݨیاں اُتے اَݨ ڳِݨت ٹی وی ڈرامے اَتے فلماں بݨ چُکّیاں ہِن۔

ابتدائی حیاتی

رضیہ بٹ ١٩ مئی ١٩٢٤ء کُوں وزیر آباد، پنجاب  وِچ ڄَمّی ہَن۔ اِنّھاں نے اپݨی حیاتی دا وَدھ ویلا پشاور وِچ لنگھایا ہِے۔ ݙاہویں جماعت وِچ اردو وِچ ١٠٠ فیصد نمبر حاصل کِیتے، جین٘دے اُتّے اُستانی نے آکھیا جو ڄیکر میݙے وَس وِچ ہون٘دا تاں میں ہِک سو نمبراں وِچوں ہِک سو پنجھاہ نمبر ݙین٘دی۔

ادبی پن٘دھ

١٩٤٠ء دے نیڑے تیڑے اِنّھاں دا پہلا کَم ادبی جریدے وِچ چَھپّیا۔ اِیں ویلے رضیہ بٹ دی عمر وِیہہ ورھیاں توں وی گھٹ ہئی۔ اپݨی پہلی کہاݨی کُوں بعد وِچ اُنّھاں نے ناول "نائلہ" دی شِکّل وِچ ڈھال تے چھاپیا۔ ١٩٤٦ء وِچ شادی دے بعد کُجھ ورھیاں تئیں اُوہ ادبی سرگرمیاں تُوں دور رہی۔ ١٩٥٠ء وِچ اُنّھاں نے وَلا لِکّھݨ دا اَغاز کِیتا۔

مہان٘درا کَم کار

رضیہ بٹ دے ناولاں اُتّے کئی فِلماں بݨ چُکّیاں ہِن جِنّھاں نے دُھم وی پاتی۔ فکشن نگاری وِچ اِنّھاں کُوں خاص مقام حاصل ہِے۔

مغربی پاکستان دی پہلی رنگین فلم "نائلہ" اِنّھاں دے ای ہِک ناول اُتے بݨی ہئی۔

وفات

٥ اکتوبر ٢٠١٢ء کوں اِیہ لاہور وِچ لَمّی بِماری توں بعد فوت تِھی ڳئی ہَن۔

کتاباں

ناول

• آدھی کہانی
• آگ
• آئینہ
• انیلہ
• بانو
• بینا
• چاہت
• ڈارلنگ
• فاصلے
• میں کون ہوں؟
• نائلہ
• ناسور
• نورینہ
• ریتا
• روپ
• سبین
• صائقہ
• ثمینہ
• سوانح
• زندگی
• آمنہ
• مہرو
• زری

ناول اُتے مبنی ڈرامے

• اماں (احمد نوید نے پی ٹی وی کِیتے ڈرامائی پیشکش کِیتی)
• بانو (ہم ٹی وی اُتے داستان دے ناں نال ٢٠١٠ء وِچ ڈرامہ بݨیا)۔
• نائلہ
• نورینہ (١٩٩٥ وِچ پی ٹی وی ڈرامہ)
• صاعقہ (ہم ٹی وی اُتّے ٢٠٠٩ء وِچ ڈرامہ)

ناول اُتے مبنی فلماں

• نائلہ (1965)
• صاعقہ (1968)
• انیلہ (1969)
• نورین (1970)
• محبت (1972)
• خلش (1972)
• پیاسا (1973)
• محبت ہو تو ایسی (1989)
• گلابو (2008)

ٻاہرلے جوڑ

BBC Urdu۔ ناول نگار رضیہ بٹ فوت تھی ڳئی