حضرت شیث علیہ السلام

سیت یا شیث (عبرانی: שֵׁתֿ،طبری تلفظ صوتی Šet, معیاری:Šēṯ; عربی: شيثShith یا Shiyth) حضرت آدم علیہ السلام دے تریجھے پتت تے انہاں دے بعد نبی ہن۔ انہاں دا ذکر تورات وچ ہے۔ یہودیت، مسیحیت تے اسلام دے مطابق اے آدم تے حوا دے پتر تے ہابیل و قابیل دے بھائی ہن.

ولادت

حواؑ کوں یقین ہئی کہ شیث انہاں کوں ہابیلؑ دے بدلے وچ تے ہابیل دے صبر دی وجہ نال انعام دے طور تے عطا کیتا گیا ہئی۔ کتاب پیدائش دے مطابق جݙݨ شیث تولد تھئے اس وقت آدم دی عمر 130سال ہئی تے شیثؑ ہوبہو آدمؑ دی شبیہ تے صورت تے ہن۔(ݙیکھو:کتاب پیدائش باب 5 آیت 3)

ایہو شجرہ نامہ قدیم دی کتاب تواریخ اول دے باب 1 دی آیت 1 تا 3 تے کتاب پیدائش دے باب 5 آیت 4 تا 5 وچ مذکور تھیا ہے۔ شیث ناں دے بارے وچ یہودیت وچ ایک روایت پائی ویندی ہے کہ شیث دا لفظ عبرانی دے لفظ توں ماخوذ ہے جس دا معنی "بیج"یا"پودا" ہے۔ ایں واسطے حوا کوں یقین ہئی کہ خدا نے انہاں کوں ہابیل دے بدلے وچ کہ جس کوں قابیل نے قتل کر ݙتا ہئی شیث عطا کیتا ہے۔ حضرت شیثؑ کوں حضرت آدم ؑ دے بعد نبوت عطا فرمائی ڳئی.

سیرت و حیاتِ طیبہ

حضرت شیثؑ دا مزار اقدس لبنان دے ہک گاؤں بنام شیثؑ نبی وچ واقع ہے جتھاں بعد وچ ہک مسجد انہاں دے ناں تے قائم کیتی گئی ہئی۔ تیرھویں صدی عیسوی تے بعد وچ آوݨ والے عرب جغرافیہ داناں دی روایات دے مطابق شیثؑ نبی دا مزارفلسطین دے ہک شہر رملہ دے شمال مشرق وچ واقع ہک گاؤں بشیت وچ ہئی. بلاشبہ، ادارہءاکتشاف فلسطین دے مطابق لفظ بشیت ݙو الفاظ "بیت" تے "شیث" دا مجموعہ ہے جس دا مطلب ہے خانہءشیث۔ 1948وچ اسرائیل دے معرض وجود وچ آوݨ دے وقت اے گاؤں غیر آباد تھی گیا ہئی لیکن اج وی ترئے کونیاں والا مینار شیثؑ دے مزار تے قائم و دائم ہے۔