جلال چانڈیو (اردو: جلال چانڈیو) (انگریزی: Jalal Chandio) (ڄَمَّݨ دا سال: ١٩٤٤ء۔ فوت تِھیوݨ دی تَرِیخ: ١٠ جنوری، ٢٠٠١ء) سندھ دے مہان٘درے لوک ڳائیک ہَن۔

حیاتی دا احواللکھو

جلال چانڈیو ١٩٤٤ء کُوں قصبہ پھل، ضلع نوشہرو فیروز، برطانوی ہند (موجودہ پاکستان) وِچ ڄَمّے۔[١] [٢]اُنّھاں نے موسیقی دی باقاعدہ تربیّت میر پور ماتھیلو دے علی گُل مہر تُوں حاصل کِیتی اَتے سندھ دا مشہور ساز یکتارہ، (طن٘ٻورہ) دے نال چپڑی وڄاوݨ وِچ اختصاص حاصل کِیتا اَتے اِیہو اُنّھاں دی سُنْ٘ڄاݨ بݨا۔ اُنّھاں دی اَݨ ڳِݨَت آڈیو کیسٹس ریلیز تھئیاں۔ اُنّھاں دی شخصیّت اُتّے سندھی ٻولی وِچ فلم جلال چانڈیو وی بݨائی ڳئی جین٘دے وِچ اُنّھاں نے وی فن دا مظاہرہ کِیتا۔[٢]

جلال چانڈیو اپݨے خاص انداز دی وجہ کنُوں سندھ دی دِیہاتی علاقیاں وِچ ترے ݙہاکیاں تئیں ٻہوں مہان٘درے فن کار رِیہے۔[١]

اعزازاتلکھو

جلال چانڈیو کُوں شاہ لطیف ایوارڈ اَتے سچّل سر مست ایوارڈ دے نال نال ٥٠ تُوں وَدھ اِنامات تُوں نوازیا ڳیا۔[٢]

وفاتلکھو

جلال چانڈیو ١٠ جنوری، ٢٠٠١ء وِچ فوت تھی ڳئے۔ اُوہ پھل، ضلع نوشہرو فیروز، پاکستان وِچ پُور ݙِتّے ڳئے۔ [١][٢]

حوالہ جاتلکھو

  1. ١.٠ ١.١ ١.٢ لوک موسیقی، رفیق وسان، ڈان نیوز ٹی وی، پاکستان، 1 فروری 2015ء
  2. ٢.٠ ٢.١ ٢.٢ ٢.٣ پاکستان کرونیکل: عقیل عباس جعفری، ص 870، ورثہ / فضلی سنز، کراچی، 2010ء