ثمینہ سحر

مختصر تعارف:

سحر سیال صاحبہ اساݙے وسّوں دا ماݨ اَتے سرائیکی شاعری دا ہِک معروف ناں ہِن۔ آپ ملتان دے شہر نال تعلق رکھین٘دی ہِن اَتے آپ دی شاعری وِچ تریمتاں دے وسیب وِچ حال احوال اَتے مظلومیت مِلدی ہِے۔ آپ دی شاعری بلا شُبہ سرائیکی شاعری دے وِچ ہِک حوال ہِے۔ آپ نے اردو زبان وِچ آپݨی شاعری دا آغاز آپݨے نِکّے لاء (میٹرک) تُوں کِیتا ہئی۔ اَتے آپ نے ریڈیو پاکستان ملتان تُوں آپݨی اَدبی زندگی دا آغاز کِیتے اَتے ہُݨ تئیں ریڈیو نال وابستہ ہِن۔ آپ کُوں ارشاد تونسوی صیب نے سرائیکی شاعری آلے پاسے توجّہ ݙیوائی اَتے وَل آپ نے اُردو شاعری چھوڑ تے سرائیکی شاعری کُوں آپݨاں میدان بݨایا۔

ثمینہ سحر (المعروف سحر سیال)، وسیب دی معروف شاعرہ ہِن۔ اِنھّاں دی سرائیکی شاعری دا مجموعہ "ترامے دا شہر" ناں بݨا چُکیا ہِے۔ ڄین٘دے وِچُوں کُجھ نظماں سرائیکی زبان دے بہاؤالدین زکریا یونیورسٹی، ملتان دے سلیبس دا حِصّہ ہِن۔

اصل ناں:

• ثمینہ سیال

پیو دا ناں:

• غلام محمد

ڄمݨ دی تریخ:

• پندرھاں جون ١٩۶۷ء۔

تعلیم:

• ایم اے اردو زبان

ادب دی صنف:

• شاعری

تصنیف:

• ترامے دا شہر
• آنکھیں خوشبو خواب (اردو زبان)

نمونۂ کلام:

پہلی ہکّل میرے کِیتے کائے ناں ہئی	اُوہ وی پاگل میݙے کِیتے کائے نہ ہئی
میݙیاں اکّھیں ہنڄواں تُوں نہ ویلھیاں ہَن	کوئی وی کاجل میݙے کِیتے کائے نہ ہئی
میݙے ناں دا وݨ کہِیں وی لایا نئیں	کوئی جنگل میݙے کیتے کائے نہ ہَئی
میں تاں اپݨی مونجھ دی خوشبو لئی ہِے	کوئی وِی صندل میݙے کِیتے کائے نہ ہَئی
میں تاں بھان٘ویں ہِیر سیال ہَم سحر سیال	کوئی وی رانجھݨ میݙے کِیتے کائے نہ ہَئی

پتہ:

• مکان نمبر ۱۴۵ (۱۵ء)، تغلق روڈ، چوک سلی خانہ، محلہ کوٹلہ تولیخان، ملتان۔