تونسہ شریف دی سیاست

خواجگان، تیں، سردار صاحبان، ایں شھر تیں پاکستان بنڑنڑ کنیں پہلے توں راج کیتے تیں اج تک بادشاھی دا تاج انھائیں لوکیں دے سَر ھے، خواجگان کوں جتھاں اے برتری حاصل ھے کہ انھیں دے مُریدین دا کافی ووٹ بنک ھے، اتھائیں سردار صاحبان کوں وی اے مانڑ ھے کہ انھیں دے مُزیریں دا کافی ووٹ ھے، اگر میں کنیں کوئ پُچھے کہ مرید تیں مُزیرے دا معنی کیا ھے، میڈی سوچ دے مطابق ڈُھائیں دا معنی، غلام، ھے، زیادہ ماضی ءچ نسے جُلدے، سردار امجد کھوسہ کنیں شروع کریندے ھیں.

سردار صاحب، 5 دفعہ ایم پی اے ،3 دفعہ ایم این اے رہ چکئن، خواجہ شیراز صاحب، ھک دفعہ تحصیل ناظم، 2 دفعہ ایم این اے بنڑ چکئن سردار میر بادشاہ قیصرانی، 7 دفعہ ایم پی اے بنڑئن ٹرائبل ایریا، سردار فتح بزدار، 4 دفعہ ایم پی اے، خواجہ نظام المحمود، 1 دفعہ ایم پی اے، اگر میں انھیں لوکیں تیں کجھ لکھنڑ چاھواں کہ انھیں میڈے حلقے ءچ کیرھے ترقیاتی کم کیتن تاں صرف ھک پوسٹ لکھنڑی پوسی، اگر میں ٹرائبل ایریا جیندے وچ فاضلہ تیں بارتھی دا ایریاآندے یا میدانی علاقے مٹھے آلی توں گھن کے مکول بیچھرا، یا پورے حلقے دی اُجڑی حالت لکھاں تاں میکوں یقین ھے، کئ ھزاراں صفحیں دی کتاب لکھی ونج سگدی ھے، مگر افسوس ھے آپڑیں عوام تیں جنھیں پیئو ڈاڈے کنیں نسل در نسل انھائیں لوکیں دا انتخاب کرکے آپڑیں نسل کوں سوائے غلامی دے کجھ نیں ڈتا، اج وی عوام انھائیں دے نال کھڑی نظر آندی ھے، ایندی سب توں وڈی وجہ صدیاں توں، لگا ھویا غلامی دا زنگ ھے جیرھا ساڈی ذات دا حصہ بنڑ چکے، میں نہ خواجگان دا مخالف ھاں نہ سرداریں دا، میڈا وڈا جرم وسیب دی محبت ھے، وسیب واسیں دی محبت ھے، جتھاں اج وی ٹوبھے دا پانڑی پیویندا ھووے، جتھاں اج وی بجلی سکول ہسپتال نہ ھوون، کیا اینجھے لوک ساڈے وسیب دے نمائندے ٹھیک ھن، فیصلہ تھاڈا، اگر تھاکوں، آپڑیاں وستیاں آپڑاں شھر، آپڑیں پہاڑ طعنہ نیں ڈیندے تاں، میں کوڑا میڈے لوظ بیکار.