بینی نارائن جہاں

بینی نرائن جہاں دا وطن لہور ہئی۔ لاہور وچ پیدا تھئے۔ والد دا ناں لکشمی نرائن ہئی۔ اتھائیں تعلیم حاصل کیتی۔ گردش زمانہ دے ہتھوں کلکتہ پہنچے۔ سید حیدر بخش حیدری دی سفارش تے فورٹ ولیم کالج کلکتہ وچ جاہ ملی۔ انھاں نے کل ݙو کتاباں تصنیف کیتن۔ ”چار گلشن“ ہک عشقیہ داستان ہے جیندے وچ شاہ کیواں تے فرخندہ دی محبت دا ذکر ہے۔ ایہ کہیں داستان دا ترجمہ نی بلکہ اُنہاں دی اپݨی طبع ذاد ہے۔ ”دیوان جہاں“ اردو شعرا دا تذکرہ ہے۔ ایہ تذکرہ بینی نرائن جہاں نے کپتان روبک دی فرمائش تے مرتب کیتا۔