بھٹی راجپوت یادوونشی (Yaduvanshi) تے چندرونشی دے طور تے مشہور ہن۔ بھٹی راجپوت کرشن جی دی اولاد منے ویندن۔ ایں قبیلے دے مشہور ہندو راجاواں وچ راجہ کرشن جی مہاراج، راجہ باہوبلی، راجہ گج سنگھ، راجہ سالباہن، راجہ بلند، راجہ رسالو، راجہ بھاٹی راۓ، راجہ بھونی سنگھ المعروف بجےراۓ، راول جیسل سنگھ والئی ریاست جیسلمیر، راݨا کپور سنگھ بانئ ریاست کپورتھلہ مشہور ہن تے مسلماناں وچ راۓ اچت سنگھ جیہڑے کہ حضرت بہاٶالدین ذکریا ملتانی دے پڑپوترے دے ہتھ تے مسلمان تھئے تے ناں راۓ اللہ ݙتہ خاں بھٹیؒ رکھا ڳیا۔

راجپوت بھٹیاں دی مشہور ریاست و قلعہ بھٹنیر، راجھستان ہئی جینکوں 1398ء وچ امیر تیمور دے حملیاں نے مسخ کیتا جیندے نال بھٹی راجپوت بھٹنیر چھوڑ کے ݙوجھے علاقیاں وچ بکھر ڳئے۔ ہک زمانے وچ راجپوت بھٹی ہستناپور توں گھن کے کاشغر تک حکمران رہے ہں جینکوں بھٹسر نال یاد کیتا ویندے۔ افغانستان وچ غزنی، جیندا پراݨا نام گجنی ہئی اونہی قبیلے دے ہک راجہ گج سنگھ دے ناں تے ہے۔ راجپوت بھٹیاں دے گوتھاں وچ ٻارہاں پال قابل زکر ہن، جنہاں وچ گورپال بھٹی، میݨ پال بھٹی، لکھݨ پال بھٹی، سانس پال بھٹی، ہرپال بھٹی وغیرہ مشہور ہن۔ اے قبیلہ کیونکہ برصغیر دا مقامی ہے تے ہر وسیب اچ نسلی تے مقامی سمجھیا ویندے ایں طرح سرائیکی وسیب وچ وی باقی علاقیاں دے مطابق مقامی تے نسلی سرائیکی ڳوتھ دے طور تے ڄانا ویندے۔

حوالے لکھو