کرشن

کرشن ایویں پکے رنگ دا ہا جیویں چوٹی دے گلیانڑیں تے برمانڑی ہن۔ آہدن کنس جیہڑا کرشنا دا ماما ہا اوکوں ہک نجومی ڈسیا جو اوندی بہنڑ دا اٹھواں پتر اوکوں تخت و تاج توں فارغ کریسی تاں کنس فیصلہ کیتا جو اپڑیں بہنڑ ڈے سارے پتریں کو مار سٹیسی۔ کرشنا جمدیں بولنڑ لگ گیا تے آپڑیں پیو کوں ڈسا جو اوکوں بچاونڑ واسطے کیا کرے۔ اوندا پیو ناگیں دے بادشاہ دی مدد نال اوکوں دریا دے کنارے تے گھن ویندے تے ہک چھویر نال وٹا ڈیندے۔ قصہ مختصر کرشن وڈا تھی کیں آپڑیں مامے کوں قتل کیتا تے نانے کو تخت دے بہلایا۔ ہستینا پور جیہڑا جو چوٹی دا پرانڑاں ناں اے دے تخت کیتے کوریں تے پانڈیں یعنی برمانڑیں تے گلیانڑیں آپت وچ بھیڑی کیتی تاں کرشنا آکھا جو انہیں وچوں کئی فریق یا تاں اوکوں چنڑ گھنے یا وت اوندی فوج کوں ول اے وی آکھس او بھڑسی وی کائے ناں۔ گلیانڑیں چلتری ڈکھائی تے کرشن دی فوج کوں چنڑ گھدے برمانڑیں دا ہک سردار ہئی جیندا ناں ارجن ہئی اوں آکھا ساکوں کرشن وی بہوں اے۔ کرشن جنگ وچ ارجن دی رتھ داں واگاں سنبھالاں تے ایں بھجاوئس کہ گلیانڑیں دی پھیتی پھیتی کر رکھی۔ آکھا ویندے جو ہک موقع تے ارجن مخالف فوج وچ ایجھیں لوک وی ڈٹھے جیہڑے اوکوں عزیز ہن کیوں جو کورو تے پانڈو آپت وچ سکے وی ہن تے اوں کرشنا کوں آکھا بھا لینداں میں نئیں جنگ کریندا تاں اوکوں کرشنا آکھا اے جیہڑے گلیانڑیں یعنی پانڈو ہن اے وڈے نامراد ہن انہیں کوں ناں چھوڑیں تاں ول ارجن جنگ واسطے راضی تھیا۔ گلیانڑیں جنگ ہر گئے ایں وجہ کنے اج کل برمانڑیں زیادہ تے گلیانڑیں گھٹ ہن۔ برمانڑیں سارے سردار ہن تے گلیانڑیں دا ہکو سردار بچا ودے