بھارت وِچ عِزّت لہاوݨ

بھارت وِچ عِزّت لہاوݨ (اردو: بھارت میں آبرو ریزی) (انگریزی: Rape in India) بھارت وِچ زنانیاں دے خلاف تِھیوݨ آلا چوتھا سبھ تُوں وَدھ عام جُرم ہِے۔ نیشنل کرائم ریکارڈ بیورو دی سالانہ رپورٹ ٢٠١٣ء دے مطابق بھارت بھر وِچ ٢٠١٢ء وِچ ٢٤٩٢٣ عِزّت لہاوݨ دے مقدمے درج کِیتے ڳئے ہَن۔ اِنّھاں وِچُوں ٢٤٤٧٠ ساکدار یا ہمسائیاں دی طرفُوں کِیتے ڳئے، ٻِنّھاں لوّظاں وِچ ٩٨ فیصد مقدمیاں وِچ شکار تِھیوݨ آلے زنانیاں عِزّت لہاوݨ آلیاں کُوں ڄاݨدیاں ہَن۔

بھارت وِچ عِزّت لہاوݨ (زنانیاں دی)

٢٠١٢ء دی ڳِنتری اَتے عدداں دے مطابق بھارتی شہراں وِچ نئی دہلی وِچ عِزّت لہاوݨ دی ڳِنتری سبھ تُوں وَدھ ہِے، جاں جو جبل پور عِزّت لہاوݨ دے فی کس واقعیاں دے لحاظ نال سبھ تُوں اڳّوں ہِے۔

٢٠١٢ء دے بعد بھارت وِچ کئی عِزّت لہاوݨ دے واقعیاں اُتّے وݙّے پیمانے تے میڈیا دی بھال پے ڳئی اَتے ٻہوں احتجاج وِی کِیتا ڳیا۔ جین٘دی بنیاد اُتے بھارتی حکومت نے عِزّت لہاوݨ اَتے جنسی تشدّد دے جُرماں کِیتے پینل کوڈ وِچ ترمیماں کِیتیاں۔

کَٹھ دی صورت وِچ عِزّت لہاوݨ

کیوں جو عِزّت لہاوݨ وِچ رضا مندی نئیں جاں جو ڄٻر دا پہلو ہون٘دا ہِے، اِیں کِیتے ٻہوں وَدھ معاملیاں وِچ مجرم ہِک نئیں جاں جو کئی بندے ہون٘دے ہِن، بھان٘ویں جو بھارت وِچ وکھری عِزّت لہاوݨ، می ٹو تحریک، جنسی ہراسانی اَتے زنانیاں دے نال ہَتھ کِھڑان٘د دے اَݨ ڳِݨت ٻئے واقعے وِچ رونما تِھی چُکّے ہِن اَتے تِھین٘دے پئے ہِن۔