بشریٰ فرخ

بشریٰ فرخ (اردو: بشری فرخ) (ڄَمَّݨ دی تَرِیخ: ١٦ فروری ١٩٥٧ء) ہِک پاکستانی شاعرہ ہِن جِنّھاں دا تعلّق پشاور نال ہِے۔ آپ مہان٘دری ٹی وی کیمپئر، اداکارہ، شاعرہ اَتے سفرنامہ نگار ہِن۔ اِنّھاں نے بطورِ میزبان پاکستان ٹیلی ویژن اَتے ریڈیو پاکستان دی خدمت کِیتی ہِے۔ اُوہ خیبر پختونخوا دی فنکارہ ہِن۔ جِنّھاں نے ٹیلی ویژن اَتے ریڈیو وِچ چار اَنجو اَنج ٻولیاں اردو، پشتو، ہندو اَتے انگریزی وِچ فن دا مظاہرہ کِیتا ہِے۔ بشریٰ فرخ نے ریڈیو اَتے ٹیلی ویژن دے ٻہوں سارے پروگرام کِیتے ہِن۔ اِنّھاں دے پروگرام خاص طور تے جؤاناں وِچ ٻہوں مقبول رِیہے ہِن۔ بشریٰ فرخ دے نو شعری مجموعے چَھپ چُکّے ہِن۔

حیاتی دا احوال

بشریٰ فرخ ١٦ فروری ١٩٥٧ء کُوں پشاور، صوبہ خیبر پختونخوا وِچ ڄَمّی ہَن۔ پاکستان ٹیلی ویژن دے مہان٘درے پروڈیوسر فرخ سیر نال شادی تھئی۔ ٤٠ ورھیاں تُوں ریڈیو پاکستان اَتے پاکستان ٹیلی ویژن نال ڄُڑی ہوئی ہِن۔ اِنّھاں کُوں پاکستان ٹیلی ویژن پشاور سنٹر دی پہلی اناؤنسر ہووݨ دا اعزاز وی حاصل ہِے۔ اِنّھاں نے پاکستان ٹیلی ویژن پشاور سنٹر دے اردو، پشتو، اَتے ہندکو ڈرامیاں وِچ اداکاری دے جوہر ݙکھائے۔ اپݨے پئے فرخ سیر دے فوت تِھیوݨ دے بعد شعر گوئی کَن مائل تِھی ڳئی۔ اِنّھاں دا ہِک سفرنامہ اَتے ٨ شعری مجموعے چَھپ چُکّے ہِن۔ اِنّھاں کُوں خیبر پختون خواہ دی پہلی صاحبِ کتاب شاعرہ ہووݨ دا اعزاز وی حاصل ہِے۔ مُلخی اَتے غیر مُلخی سطح تے کئی مشاعریاں اَتے کانفرنساں وِچ پاکستان دی نمائندگی کر چُکّی ہِن۔ اِنّھاں دی ادبی خدمتاں دے حوالے نال پشاور یونیورسٹی اَتے قرطبہ یونیورسٹی وِچ ایم اے اَتے ایم فِل دی سطح دے مقالے لِکّھے ون٘ڄ چُکّے ہِن اتے "کارواں حوا لٹریری فورم" دی چئیر پرسن وی ہِن۔

کَم کار آلی حیاتی

پاکستان ٹیلی ویژن (پشاور سینٹر)

پی ٹی وی پشاور سنٹر وِچ ١٠ ورھیاں بطورِ میزبان خدمتاں انجام ݙِتّیاں اَتے ٣٥ ورھیاں تئیں ڈرامہ آرٹسٹ دی حیثیّت نال کَم کِیتا۔

ریڈیو پاکستان

بطورِ میزبان ٣٥ ورھیاں تئیں ڈرامہ آرٹسٹ دی حیثیّت نال کَم کِیتا۔

مصنف زنانیاں دا فورم

مصنف زنانیاں دا فورم (Women Writer's Forum) دی جنرل سیکرٹری وی ریہی ہِن۔ اَتے ناظمِ اعلیٰ وی۔

بزنس وومن ایسوسی ایشن

تعلقات عامہ دے افسر دی حیثیت نال ٢ ورھیاں تئیں بزنس وومن ایسوسی ایشن نال ڄڑی رہی ہَن۔

کتاباں

اِنّھاں دی چھپیل کتاباں تَلّے ݙِتّیاں ڳئین:

• اک قیامت ہے لمحہ موجود (اردو شاعری)
• ادھوری محبت کا پورا سفر(اردو شاعری)

• بہت گہری اداسی ہے (اردو شاعری)
• محبتاں دے مزاج وکھرے (ہندکو شاعری)
• جدائی بھی ضروری ہے (اردو شاعری)
• مجھے آواز مت دینا (اردو شاعری)
• ورفعنا لک ذکرک (اردو نعتیہ مجموعہ)
• تو کجا من کجا (اردو نعتیہ مجموعہ)
• خمینی کے ایران میں (اردو سفر نامہ)

اعزازات

• اباسین آرٹس کونسل ادبی ایوارڈ 2017-2018
• سردار عبدالرب نشتر ایوارڈ
• ہندکو ورلڈ کانفرنس ایوارڈ 2005
• بزم بہار ادب سلور جوبلی ایوارڈ 2005
• سٹی ڈسٹرکٹ گورنمنٹ ایوارڈ
• فروغ ادب ایوارڈ
• روزن انٹرنیشنل لٹریری ایوارڈ
• تانگھ وسیپ ایوارڈ
• خیبر کالج آف کامرس شیلڈ
• عظیم ویلفیئر سوسائٹی ایوارڈ
• پی ٹی وی بہترین کارکردگی ایوارڈ 1998
• موسیقار اعظم ایوارڈ 1997
• ایگفا ایوارڈ 1997
• فرنٹیئر کلچرل کلب ایوارڈ
• فرنٹیئر آرٹس کونسل ایوارڈ
• میر آرٹس کونسل ایوارڈ
• کوکا کولا ایوارڈ 1978
• سلطانی ایوارڈ 1976
• قومی سیرت ایوارڈ
• خوشحال خان خٹک ایوارڈ
• روزن انٹر نیشنل ایوارڈ
• طاہر کلانچوی ایوارڈ