افریقا وِچ زنانیاں

افریقا وِچ زنانیاں (اردو: افریقا میں خواتین) (انگریزی: Women in Africa) اُوہ زنانیاں ہِن جیڑھیاں بر اعظم افریقا وِچ ڄَمّیاں یا رہن٘دیاں ہِن یا اِتُّھوں توں تعلق رکھین٘دیاں ہِن اَتے جِنّھاں دی تہذیب، ثقافت اَتے تاریخ خود افریقا دی تہذیب، ثقافت اَتے تاریخ نال ڄُڑی ہوئی ہِے۔ اُوہ افریقا دے خود مختار مُلخاں دیاں زنانیاں ہِن، جِنّھاں وِچ انگولا، بینن، کیمرون، کیپ وردے، وسطی افریقی جمہوریہ، کوموروس، جمہوریہ کانگو شامل ہِن۔ جبوتی، مصر، اریٹیریا، ایتھوپیا، گبون، گیمبیا، گھانا، کینیا، لیسوتھو، لائبیریا، لیبیا، نائجیریا، روانڈا سینیگال، سیشلز، سیرا لیون، صومالیہ، جنوبی افریقا، جنوبی سوڈان، سوڈان، تنزانیہ، تیونس، یوگنڈا، زیمبیا، زمبابوے شامل ہِن۔

کینیا وِچ خوراک دی قِلّت دے خلاف احتجاج کرین٘دیاں ہوئیاں۔

کُجھ افریقی زنانیاں محدود بین الاقوامی سُن٘ڄاݨ آلے مُلخاں توں آن٘دیاں ہِن، جیویں صحراوی عرب جمہوری جمہوریہ۔ ٻئے افریقی وی یورپی مُلخاں نال تعلق رکھݨ آلے سمندر پار علاقیاں توں آن٘دے ہِن، جیویں جو سپین، پرتگال توں۔

افریقی مُلخاں وِچ زنانیاں دی تاریخ دے حوالے نال ٻہوں سارے مختصر مطالعے کِیتے ڳئے ہِن۔ ٻہوں سارے مطالعے مخصوص مُلخاں اَتے خطّیاں، جیویں مصر، ایتھوپیا، مراکش، نائجیریا، لیسوتھو اَتے صحارا افریقا وِچ زنانیاں دے تاریخی کردار اَتے حیثیّت اُتے توجہ مرکوز کرین٘دے ہِن۔

انگولا

جیویں جو ٻہوں سارے افریقی معیشتاں وِچ، ودھ تر اَبادی زرعی سرگرمیاں وِچ مصروف ہِے، خاص طور تے انگولا دے دِیہی علاقیاں وِچ۔ زراعت دا وَدھ تر کَم کار زنانیاں دے مون٘ڈھیاں اُتے ہِن۔ انگولائی زنانیاں نے ٹَٻَّر دے قیام وِچ حِصّہ گِھدّا، معاشرے اَتے سیاست، معاشی مفادات دے نال نال ذاتی مفادات وِچ وی اِنّھاں نے حِصّہ گِھدّا۔

ایتھوپیا

ایتھوپیا وِچ زنانیاں دے بارے وِچ ٻہوں گَھٹ مطالعے تھئے ہِن، جاں جو ٻہوں سارے مبصرین نے ایتھوپیا دی کُراڑی بھوئیں اَتے موسم دی پارُوں ایتھوپیا دیاں زنانیاں کوں حیاتی بھر جِنّھاں جسمانی اَوکھاں دا سامھݨاں کرݨان پون٘دا ہِے اِین٘دے اُتے تبصرہ کِیتا ہِے۔ جیویں جو نقل تے حمل دے مناسب ذرائع ناں ہووݨ دی وجہ توں بھاری سمان کُوں کن٘ڈھ تے لَݙَّݨ، ہَتھ نال مکئی پِیہَݨ، گھر وِچ کَم کرݨ، ٻالاں دی پرورش کرݨ اَتے کھاݨاں پکاوݨ وغیرہ۔  

ٻِیا ݙیکھو

• جنوبی افریقا وِچ زنانیاں
• ایشیاء وِچ زنانیاں
• زنانیاں دے حقوق
• زنانیاں دا چوݨ دا حق