ارجنٹائن وِچ زنانیاں
ارجنٹائن وِچ زنانیاں (اردو: ارجنٹائن میں خواتین) (انگریزی: Women in Argentina)۔
احوال
لکھو١٩٨٣ء جمہوریت دی واپسی دے بعد ارجنٹائن وِچ زنانیاں دی حیثیت وِچ واضح بَدلاؤ آیا ہِے۔ ٢٠٠٩ء وِچ ورلڈ اکنامک فورم دی طرفُوں تیّار کِیتی ڳئی گلوبل گرینڈ گیپ رپورٹ دے مطابق، برابری دی نسبتاً اُچویں سطح تئیں پُڄدے ہوئے ارجنٹائن دی زنانیاں مرداں دے مقابلے وسائل اَتے موقعیاں تئیں رسائی دے لحاظ نال سروے کِیتے ڳئے ١٣٤ مُلخاں وِچ باضابطہ طور تے ٢٤ ویں لمبر تے ہِن۔ برابر تعلیم رائج ہِے اَتے چنڳے سکولاں وِچ داخلے دی شرح اِنّھاں دے مرد ہم منصباں تُوں ٻہوں حد توڑِیں برابر ہِن۔
ثقافتی تے فکری حیاتی
لکھوارجنٹائن دی زنانیاں مُلخ دی ثقافتی اَتے فکری حیاتی وِچ چنڳی طرحاں رچ وَس ڳئیاں ہِن۔ بھان٘ویں جو مُلخی معیشت وِچ اِنّھاں دا کردار گھٹ ہِے، جاں جو مرداں دے حوالے نال اِنّھاں دا معاشی اثر تے رسوخ لاطینی امریکہ دے وَدھ مُلخاں دے مقابلے وَدھ تِھی ڳیا ہِے، اِین٘دے باوجود ارجنٹائن دی دُنیا دی کئی کمپنیاں وِچ ارجنٹائن دیاں زنانیاں چنڳے عُہدیاں اُتے فائز ہِن۔
اِیں ویلے دے مسائل
لکھوارجنٹائن دیاں زنانیاں کُوں ہُݨ وی ٻہوں سارے نظامی چیلنجاں دا سامھݨاں ہِے جیڑھے ٻئے معاملیاں وِچ اِنّھاں مُلخاں کِیتے ساجھے ہِن۔ ارجنٹائن وِچ گھروڳی مار کُٹ ہِک وݙا مسئلہ ہِے، جیویں جو زبر زنا دی ویلے تے قنُونی چارہ جوئی وِچ اڑان٘داں، جنسی ہراسانی دا پھیلاء، صنفی اجرت دا مستقل فرق وغیرہ۔
زبر زنا اَتے جنسی ہراسگی
لکھوپبلک سیکٹر/ عوامی جائیں اُتے جنسی طور تے ہراساں کرݨ ممنوع ہِے، اَتے اِیہ تادیبی یا اصلاحی اقدامات توں مشروط ہِے۔