ابوالفضل صدیقی

ابوالفضل صدیقی (پیدائش: 4 ستمبر، 1908ء- وفات: 16 ستمبر، 1987ء) پاکستان نال تعلق رکھݨ والے اردو دے صفِ اول دے افسانہ نگار، ناول نگار تے مترجم ہن۔

حالات زندگی

ابوالفضل صدیقی 4 ستمبر، 1908ء کوں عارف پور نوادہ، بدایوں، اترپردیش، برطانوی ہندوستان وچ ہک معزز زمیندار خاندان وچ پیدا تھئے۔ انہاں دا خاندان 1857ء دی جنگ آزادی وچ مجاہدین دی مدد کرݨ دی پاداش وچ معتوبین ِحکومت وچ رہ چکا ہئی۔ آپ دے ݙاݙا چوہدری احمد حسن علاقے دے معزز زمیندارہوݨ دے نال شاعر وی ہن تے علیل تخلص کریندے ہن، اس دے علاوہ قانون تے اچھی دسترس رکھݨ دی وجہ نال حکومت دی طرفوں اعزازی عدالتی عہدے 'منصفی' تے وی فائز ہن۔ چوہدری احمد حسن دے چھوٹے پتر تے ابوالفضل دے والد محترم ابوالحسن صدیقی وی علی گڑھ دے اعلیٰ تعلیم یافتہ ہن، معروف وکیل تے شاعر و ادیب وی ہن۔

اعزازات

ابو الفضل صدیقی دی علمی ادبی خدمات دے اعتراف وچ انہاں دے افسانہ'چڑھدا سورج' تے 1957ء وچ انہاں کوں یونیسکو دا بین الاقوامی انعام ݙتا گیا۔ ناولٹ 'گل زمین کی تلاش میں ' تے 1983ء نقوش صدارتی ایوارڈ ݙتا گیا تے ناول'ترنگ' تے نیشنل بک کونسل ایوارڈ برائے 1989ء ݙتا گیا۔

تصانیف

ابوالفضل صدیقی دی تصانیف و تراجم درج ذیل ہن :

• اہرام (افسانوی مجموعہ)
• تعزیر (ناول)
• رموز باغبانی
• سرور(ناول)
• چار ناولٹ (ناولٹوں کا مجموعہ)
• انیس سو چوراسی (جارج آرویل کے ناول کا اردو کا ترجمہ)
• جوا لامکھی (افسانوی مجموعہ)
• آئینہ (افسانوی مجموعہ)
• انصاف (افسانوی مجموعہ)
• ترنگ (ناول)
• گلاب خاص ( افسانوی مجموعہ)
• دن ڈھلے ( افسانوی مجموعہ )
• عہد ساز لوگ ( شخصی خاکوں کا مجموعہ)
• ستاروں کی چال ( افسانوی مجموعہ)
• زخم دل ( ناول)
• شکنی (افسانوی مجموعہ)
• کہاں کے دیر و حرم (خود نوشت سوانح عمری)

وفات

ابوالفضل صدیقی 16 ستمبر، 1987ء کوں کراچی، پاکستان وچ وفات پاگئے۔ اوہ کراچی دے پاپوش نگر دے قبرستان وچ سپردِ خاک تھئے۔