ݙوہترا ، پُوترا
بھراوو اے صرف ہک قصہ ھ ، ناراض نی تھیونڑاں۔
ہک تقربیا" سٹھ سال دی بڈھڑی مئی اپنڑے ترے چار سال دے ݙوہترے کوں کچھڑ تے چائی اندی ہئی، تے اپنڑے ترے چار سال دے پوترے کوں انگل پکڑوائی اندی ہئی۔
پوترے آکھیا ، ݙاݙی میں ہنڑ تھک پیا، ہنڑ اینکوں لہا تے میکوں چا۔ ݙوہترے فورا" آکھیا نا نانی نا میں نا ٹرساں ، میں ٹریم تاں میں تھک پوساں۔ ݙاݙی جینوے کینوے پوترے کوں ٹرݨ تے منائی امدی ہئی ، تے پوترا وی ݙاݙی دی گال منیدیں ہویں ولا ٹرݨ لگ پیا، تھوڑی اگوں ونڄ تے ہک وݙا ݙرانوڑاں کتا ویندا پیا ہا۔
ݙوہترا لکھو
ݙوہترا(کچھڑ الا) کُتے کوں ݙیکھ تے اکھیس ،تو، تو،تو،تو،تو، کتا ، کتا میݙی نانی کوں کھا ونڄ۔
پوترا لکھو
پوترا جہیڑا اگلی نپی ودا ہا ، ہک وڈا وٹا چأ گھدا تے آکھسن ، خبردار جے میݙی ݙاݙی کوں کھادا تاں ، مار گھتیساں، خبردار ۔
ݙاݙی حیران تھی تے اتھائی کھڑ گئی تے سوچنڑ لگ پئی ۔۔
نتیجہ لکھو
کھڈھن ہنڑ توہاݙا کم ھ۔۔
